У Менску судзяць падлетка за зьбіцьцё АМАПу. Пракурор патрабуе 2 гады абмежаваньня волі. Жывы рэпартаж

Пракурор папрасіла для Аляксандра Харуты 2 гады абмежаваньня свабоды без накіраваньня ў месцы пазбаӯленьня волі.Аляксандар абвінавачваецца паводле артыкулу 364 Крымінальнага кодэксу Рэспублікі Беларусь «Гвалт або пагроза гвалту ў дачыненьні да супрацоўніка органаў унутраных спраў».

18 ліпеня Аляксандар разам з такім жа непаўналетнім сябрам былі затрыманыя супрацоўнікамі АМАПу за знаходжаньне ў нецьвярозым стане ў грамадзкім месцы. Паводле падлеткаў, пры затрыманьні міліцыянты неправамерна прымянілі фізычную сілу, а па дарозе ў Цэнтральны РУУС Менску пагражалі сэксуальным гвалтам і памачыліся на твар затрыманаму. У сваю чаргу, сьледзтва сьцьвярджае, што Аляксандар «нанёс старэйшаму прапаршчыку міліцыі Шарко ня менш за адзін удар кулаком у вобласьць галавы», што і стала падставай для завядзеньня крымінальнай справы.

На працэсе прысутнічаюць: супрацоўнікі АМАП, якія, паводле вэрсіі сьледзтва, пацярпелі ад дзеяньняў хлопцаў; абвінавачваны, сьведкі з абодвух бакоў. Таксама ў суд прыйшлі бацькі, сваякі падлетка, праваабаронцы.

Свабода вядзе анлайн-рэпартаж з судовага пасяджэньня.

«Я ляжаў тварам на падлозе, калі адзін зь іх расшпіліў шырынку» — падлетак, зьбіты АМАПаўцамі