Шарко сьцвярджае, што ў падлеткаў падчас затрыманьня "былі чырвоныя вочы". Адвакат: "Як Вы гэта ўбачылі на адлегласьці 5 мэтраў?" #судАМАП
— Радыё Свабода (@svaboda) 31.10.2016
Шарко сказаў, што Аляксандар ударыў яго з крыкам «Валі мусароў!», што выклікала сьмех у залі.
Пачаўся допыт сьведкаў
Шарко скончыў даваць паказаньні. Аляксандар адрэагаваў на ягоныя паказаньні: «Шарко мяне агаворвае». У залю запрасілі сьведкаў-супрацоўнікаў АМАП. Першым гаворыць Рутчанкаў.
Рутчанкаў ня можа прыгадаць прозьвішча калегі, зь якім патруляваў вуліцу тым вечарам. Судзьдзя Есьман падказвае Рутчанкаву прозьвішча.
Рутчанкаў: «Мы знайшлі пустыя кубачкі з-пад гарэлкі ў партфэлі хлопцаў»
Аляксандар: «Кубачкі мы выкінулі ў траву адразу ж, як выпілі. У партфэлі іх не было».
Словы пра пагрозу сэксуальнага гвалту, пра якую раней падлетак распавядаў журналістам і праваабаронцам, дагэтуль не прагучалі ў залі суду.
У залю запрасілі наступнага сьведку, АМАПаўца Ігара Любачанінава (кіроўца аўтазаку).
Любачанінаў: «Я знаходзіўся ў аўтазаку, за стырном, я ня бачыў, што адбывалася ўнутры». Дадае, што ня памятае, ці рабіў рэзкі паварот.
Запрасілі наступнага сьведку, камандзіра аддзяленьня АМАП, Алега Жука.
Жук: "У дачыненьні да Харуты не прымяняліся супрацьпраўныя дзеяньні. Яго ніхто ня біў. Але я бачыў, як ён ударыў Шарко" #судАМАП
— Радыё Свабода (@svaboda) 31.10.2016
У залю заходзіць наступны сьведка: таксама супрацоўнік АМАП Андрэй Антановіч.
У залю запрасілі сьведку абароны, непаўналетняга Мікіту Мацілайнэна.
Мацілайнэн: «Спачатку міліцыянты пачалі зьбіваць нас, пасьля...я так зразумеў... Саша ўдарыў аднаго зь іх». Але Мацілайнэн ня бачыў гэтага.
15-гадовы хлопчык, які таксама сядзеў у аўтазаку: "Харута ўдарыў АМАПаўца. І АМАПаўцы пачалі біць Харуту па сьпіне і галаве" #судАМАП
— Радыё Свабода (@svaboda) 31.10.2016
Выступае наступны сьведка, Аляксандар Стасевіч, вучань 9-й клясы адной з гімназій. Яму 15 год. Стасевіч знаходзіўся ў тым жа аўтазаку. Яго разам з 2 сябрамі затрымалі, калі яны лазалі па даху футбольнага манежу.
На момант затрыманьня Харуты і Мацілайнэна хлопец быў унутры аўтазаку.
Выступае наступны сьведка, сябар Стасевіча, Данііл Мудры. Ён таксама сьведчыць, што Харута ўдарыў АМАПаўца ў сківіцу аднойчы, а тыя ў адказ пачалі зьбіваць Харуту і Мацілайнэна.
Суд перайшоў да разгляду пісьмовых сьведчаньняў, сярод якіх даведка аб цялесным пашкоджаньні Шарко: ступень цяжкасьці пашкоджаньняў не называецца.
Выступае маці — уся ў сьлязах
Пачала выступаць законная прадстаўніца Аляксандра Харуты, ягоная маці Ірына Махнач. Жанчына заплакала каля стойкі і ўрэшце пакінула залю ў сьлязах.
Маці Аляксандра Харуты выйшла даваць паказаньні, але заплакала і ў сьлязах пакінула залю суду. З-за дзьвярэй чуваць жаночы плач. #судАМАП
— Радыё Свабода (@svaboda) 31.10.2016
Маці Аляксандра стала кепска, яна прымае лекі. Судзьзя настойвае на тым,каб жанчына вярнулася і працягнула даваць паказаньні. #судАМАП
— Радыё Свабода (@svaboda) 31.10.2016
10-хвілінны перапынак.