Што адбываецца ў рэгіёнах
- У Жодзіне людзі спрабавалі сабрацца на марш, але іх разагналі.
- Гомель. Тут фактычна няма акцыі пратэсту, бо вельмі шмат міліцыі і АМАПу на Савецкай вуліцы. Людзі гуляюць сем'ямі ці невялікімі кампаніямі без сымболікі. Тым ня менш ужо як мінімум трох чалавек затрымалі
- Горадня. У мікрараёне Вішнявец затрымалі як найменей 4 чалавекі. Туды прыйшла калёна з прыкладна 20 чалавек без сымболікі. Да іх пад'ехалі 3 мікрааўтобусы зь людзьмі ў масках, начальнік АМАПу Віктар Краўцэвіч і намесьнік начальніка ЎУС Горадзенскага аблвыканкаму Віталь Стасюкевіч. Людзей затрымлівалі ў тым ліку ў дварах людзі ў цывільным
- Таксама на акцыі сёньня выйшлі ў іншых гарадах (Заслаўе, Ракаў, Ліда, Фаніпаль, Жодзіна, Дзяржынск і інш.)
Натоўп сілавікоў забірае у мужчыны бел-чырвона-белы сьцяг
Жодзіна. Затрымалі жанчыну са сьцягам
Затрыманьні ў многіх раёнах Менску
- Онлайнер паведамляе, што людзей затрымлівалі на Адзінцова, Лабанка, у ДАмброўцы, ва Ўруччы і Лошчыцы. Міліцыя пакуль не камэнтуе затрыманьні.
- Ва Ўруччы сёньня паўторна (трэці раз!) затрымалі лекара-нэўроляга Руслана Бадамшына, паведамляюць «Белые халаты».
- Таксама затрыманы сябра асноўнага складу Каардынацыйнай рады эканаміст Дзьмітры Крук.
- Праваабаронцы «Вясны» агулам называюць прозьвішчы ўжо 16 затрыманых, сьпіс дапаўняецца.
Нягледзячы на разгоны і затрыманьні, людзі працягваюць маршы
Менск, Дамброўка. Калёна аднавілася пасьля разгону
Разгоны ва Ўруччы і на «Пушкінскай»
В Уруччы, дзе сфармавалася даволі вялікая калёна, адбыўся разгон пратэстоўцаў. Гэта адбылося за хвіліну да таго, як было зьнята відэа.
Берасьце. Калёна скандуе: «Верым, можам, пераможам!» і «Я выхожу!»
У Dana Mall зачынілі ўваход і выключылі інтэрнэт
Калёна, якая рухалася па Філімонава, дайшла да гандлёвага цэнтру Dana Mall, дзе іх сустрэлі аўтазакі.
"Было чалавек 500 ці 700. Некалькі затрымалі, хтосьці разьбегся па дварах, — расказаў чытач Онлайнера. — Частка людзей пасьпела забегчы ў Dana Mall, пасьля гэтага галоўны ўваход зачынілі. Ахоўнік сказаў нам, што так загадалі зрабіць сілавікі, а потым па гучнай сувязі абвясьцілі, што дзьверы зачынена па тэхнічных прычынах. Пасьля гэтага ў ГЦ адключылі інтэрнэт: карты не працуюць, усё стаіць, — распавядае сьведка.
Зачынялі ўваход і ў гіпэрмаркет Green City на Каменнай Горцы — у раёне шмат сілавікоў.
Менск. Сілавікі нясуць непрытомнага чалавека
У раёне станцыі мэтро «Пушкінская», сілавікі нясуць у бусік чалавека, які, праўдападобна, страціў прытомнасьць.
Калёна ў Курасоўшчыне
«Дваровыя маршы» 29 лістапада. Галоўнае на гэты час
➖ Практычна ва ўсіх раёнах Менску пратэстоўцы выйшлі на марш двароў (найбольшыя калёны заўважаныя ва Ўруччы, на Ўсходзе і ў раёне Каменнай Горкі — Кунцаўшчыны).
➖Сілавікі ганяюцца за пратэстоўцамі, спрабуючы разагнаць, адбываюцца затрыманьні, часам жорсткія.
➖ У некаторых выпадках супраць пратэстоўцаў прымянялі сьлезацечны газ і, як мяркуецца, сьвятлашумавыя гранаты.
➖ Праваабаронцам ужо вядомыя прозьвішчы 45 затрыманых у Менску і ў Бараўлянах. Паведамляюць таксама пра затрыманьні ў Дзяржынску, Жодзіне, Магілёве.
➖ Мабільны інтэрнэт па-ранейшаму не працуе, як і цэнтральныя станцыі мэтро (акрамя «Плошчы Якуба Коласа»).
➖ ГЦ Dana Mall часова зачынілі на ўваход і выхад «з тэхнічных прычын», людзей нейкі час не выпускалі. У ГЦ Green «выпускаюць, але назад ўвайсьці нельга».
Усе станцыі мэтро адкрылі
Іх закрывалі на час пратэставых маршаў.
Вось як пратэставалі ў Кунцаўшчыне
Дзясятак разгубленых амапаўцаў і сотні чалавек скандуюць «Уходи!»
На Каменнай Горцы працягваецца супрацьстаяньне дэманстрантаў і сілавікоў
Чытачы Tut.by пішуць, што на Каменнай горцы сытуацыя такая: людзі хаваюцца ў ваколіцах «Green Сіці», як толькі сілавікі адыдуць — выходзяць, потым сілавікі вяртаюцца — людзі разыходзяцца. І так раз за разам.
У 7-тысячным Іўе таксама выйшлі на акцыю пратэсту
Чалавек страціў прытомнасьць пасьля ўдару сілавіка
Падчас маршу на Партызанскім праспэкце, сілавікі затрымалі некалькі чалавек, аднаму зь іх так моцна ўдарылі па галаве, што мужчына ўпаў на асфальт, страціўшы прытомнасьць.
Як затрымлівалі ў Горадні
Затрыманая ў раёне Вішнявец візажыстка Натальля Чубоўская расказала, што выйшла з крамы, убачыла, як жорстка затрымліваюць мужчыну, і заступілася за яго. Яе таксама схапілі, але адпусьцілі пасьля апытаньня. Разам зь ёй затрымалі 3–4 чалавек.
Відэа разгону і страляніны ва Ўруччы
Ужо больш за 70 затрыманых
У Берасьці затрымалі журналіста «Брестской газеты» і Tut.by Станіслава Коршунава.
Агулам праваабаронцам «Вясны» ўжо вядомыя прозьвішчы 73 затрыманых у Беларусі: большая частка — у Менску, таксама затрымлівалі ў Бараўлянах, Лясным, Віцебску, Горадні, Лідзе. Сьпіс дапаўняецца ()