У Жодзіне супрацоўнікі міліцыі затрымалі чатырох арганізатараў сьвяткаваньня Дня Волі.
Юрася Жылку, Паўла Красоўскага, Юрыя Сілкіна, і Аляксандра Камароўскага абвінавацілі ў арганізацыі несанкцыянаванай акцыі.
Сёньня ў цэнтральным парку сабраліся каля 50 чалавек. Яны прайшлі калёнай да помніка “Героі жывуць вечна”, усклалі кветкі і запусьцілі ў неба белыя і чырвоныя балёнікі.
Міліцыянты назіралі за акцыяй і ня ўмешваліся. Калі людзі разыходзіліся, яны прапанавалі арганізатарам прайсьці зь імі ў будынак міліцыі.