14 сяброў апазыцыйных партыяў і рухаў у Баранавічах правялі сёньняшнюю ноч у ізалятары часовага ўтрыманьня мясцовага аддзелу ўнутраных спраў. Гэта пацьвердзіла супрацоўніца па сувязях са СМІ РАЎС Натальля Сядзельнікава
У канцылярыі Баранавіцкага суду таксама спраўджваюць зьвесткі пра заплянаваныя на сёньня судовыя паседжаньні над удзельнікамі грамадзянскай акцыі 25 сакавіка.
Ўчора на цэнтральнай плошчы ў Баранавічах сабраліся некалькі дзесяткаў чалавек, якія рушылі пад бел-чырвона-белымі сьцягамі да Крыжа пацярпелым ад палітычных рэпрэсіяў, які ўсталяваны на вуліцы Смаленскай.
Міліцыянты перапынілі акцыю. 14 ўдзельнікаў былі затрыманыя і пад канвоем дастаўленыя ў ГАУС Баранавічаў. Сярод іх праваабаронца Сяргей Гоўша, сябра руху “За Свабоду” Віктар Сырыца, сьвятар грэка-каталіцкай царквы Яўген Маліноўскі і іншыя.