Расейская кампанія Атомстройэкспорт была абраная урадам Беларусі для пабудовы атамнай электрастанцыі на літоўскім памежжы.
Такую заяву зрабіў сёньня намесьнік прэм'ер міністра Беларусі Уладзімір Сямашка. Паводле беларускага міністэрства энэргетыкі, было дамоўлена завяршыць падрыхтоўку да пабудовы станцыі у першым квартале гэтага году. Пабудова тысяча-мэгаватнага рэактару мае завяршыцца ў дзьве тысячы шаснаццатым годзе, другога – у 2018. Чакаецца, што вытворчасьць электраэнэргіі АЭС складзе 27-30% ад агульнага аб’ёму вытворчасьці электраэнэргіі ў краіне.