Апазыцыйны актывіст з Салігорску Іван Шыла, рэдактар сайту Салігорск.org, лічыць указ аб рэгуляваньні інтэрнэту невыканальным:
“Мне падаецца, што пакуль нічога страшнага ў гэтым указе няма. І няма ніякіх падставаў для блякаваньня апазыцыйных сайтаў. Бо нельга перабольшваць уплыў гэтых сайтаў на настроі ў грамадзтве. Трэба ўсё-ткі ўлічваць, што, па вялікім рахунку, грамадзтва не настолькі яшчэ актыўна цікавіцца нават палітычнымі навінамі і палітычнай інфармацыяй. У Беларусі сытуацыя кантралюецца і без інтэрнэту.