15 верасьня актывісты Партыі БХД плянуюць перадаць у Адміністрацыю прэзыдэнта і Палату прадстаўнікоў некалькі тысячаў подпісаў, сабраных супраць таго, каб у будынку кляштару бэрнардынцаў, які разам з касьцёлам Сьвятога Язэпа складае адзіны архітэктуры комплекс, зрабілі гатэль і забаўляльны цэнтар.
Ад 19 сакавіка 2005 году сябрамі рымска-каталіцкай грамады сьвятога Язэпа ладзяцца штодзённыя вячэрнія малебны за вяртаньне будынку касьцёлу вернікам.
15 ліпеня 2009 году ўпаўнаважаны па справах рэлігіяў і нацыянальнасьцяў Беларусі Леанід Гуляка заявіў, што менскі касьцёл бэрнардынцаў ня могуць аддаць вернікам з-за таго, што няма куды перамясьціць разьмешчаныя ў гэтым будынку фонды архіву гісторыі літаратуры.
У 2008 годзе карэспандэнт «Свабоды» наведаў кляштар бэрнардынцаў. Міжгарнізонная вайсковая пракуратура адтуль ўжо зьехала, а будаўнікі яшчэ не зьявіліся.
Ад 19 сакавіка 2005 году сябрамі рымска-каталіцкай грамады сьвятога Язэпа ладзяцца штодзённыя вячэрнія малебны за вяртаньне будынку касьцёлу вернікам.
15 ліпеня 2009 году ўпаўнаважаны па справах рэлігіяў і нацыянальнасьцяў Беларусі Леанід Гуляка заявіў, што менскі касьцёл бэрнардынцаў ня могуць аддаць вернікам з-за таго, што няма куды перамясьціць разьмешчаныя ў гэтым будынку фонды архіву гісторыі літаратуры.
У 2008 годзе карэспандэнт «Свабоды» наведаў кляштар бэрнардынцаў. Міжгарнізонная вайсковая пракуратура адтуль ўжо зьехала, а будаўнікі яшчэ не зьявіліся.
На ўвесь кляштар — ніводнага чалавека. Нават вартаўніка тады не аказалася на месцы. Адзіныя жывыя істоты, якіх пабачыў аўтар здымкаў, — гэта вароны, што кружлялі над кляштарам.
Ва ўнутраных дворыках вайскоўцы пакінулі тое, што не ўяўляла ніякай каштоўнасьці: ад старой сантэхнікі да пустых сэйфаў і нагляднай агітацыі
Такі калючы дрот гадамі агароджваў насельнікаў міжгарнізоннай вайсковай пракуратуры ад усяго іншага сьвету.
А праз такое вочка вайскоўцы падглядалі за тым, што робіцца ў цывільным жыцьці. Цяпер празь яго можна пабачыць офіс «Менскай спадчыны» — прадпрыемства, якое займаецца рэстаўрацыяй архітэктурнай спадчыны Менску.
На гэтым здымку бачна, што патынкаваная і пафарбаваная толькі тая сьцяна касьцёлу Сьвятога Язэпа, якая выходзіць на Музычны завулак.
Сутарэньні кляштару былі прыстасаваныя пад камэры для парушальнікаў вайсковай дысцыпліны. Цёмныя пустыя калідоры. Гарыць толькі адна лямпачка, сьвятло падае з маленькіх вокнаў, якія знаходзяцца на ўзроўні зямлі.
Такое ўражаньне, што апошнія насельнікі гэтых пакояў шукалі сярэднявечныя скарбы. Шмат дзе сарваная падлога і абшыўка сьценаў.
Рэдкі выпадак: беларуская мова ва Ўзброеных сілах. Гэтыя дзьверы мелі права адчыняць толькі начальнік каравулу ці ягоны памочнік.
Кляштар бэрнардынцаў у Менску
Заснаваны ў 1624 г. Фундатарамі выступілі Андрэй і Ян Кансоўскія. Пасьля пажару да 1652 г. быў збудаваны каменны касьцёл і кляштар. У 1752 адбылася рэканструкцыя, пасьля якой будынкі набылі цяперашнія рысы.
У 1864 годзе касьцёл і кляштар былі зачыненыя і канфіскаваныя расейскімі ўладамі за ўдзел гараджанаў Менску ў нацыянальна-вызвольным паўстаньні.
У 1864 годзе касьцёл і кляштар былі зачыненыя і канфіскаваныя расейскімі ўладамі за ўдзел гараджанаў Менску ў нацыянальна-вызвольным паўстаньні.