Пачобут не вярнуўся з КДБ

Андрэй Пачобут

Дагэтуль нічога невядома пра гарадзенскага журналіста Андрэя Пачобута, якога нанач забралі на допыт у КДБ. Яго жонка Аксана кажа, што ня мае ніякіх зьвестак пра мужа. Ёй ніхто не патэлефанаваў з КДБ і нічога не патлумачыў, а тэлефоны Андрэя застаюцца адключанымі.

Учора ўвечары ў кватэры, дзе жыве сям’я журналіста “Газэты Выборчэй”, супрацоўнікі КДБ цягам 3,5 гадзінаў праводзіла ператрус, пасьля чаго Андрэя забралі з сабой.