У Менску прайшла цырымонія прысуджэньня літаратурнай прэміі імя Ежы Гедройца. Ляўрэатамі сталі Павал Касьцюкевіч, Альгерд Бахарэвіч, Андрэй Федарэнка.
Ляўрэаты:
Першае месца — Павал Касьцюкевіч. «Зборная РБ па негалоўных відах спорту». Узнагарода: грашовы прыз 105 мільёнаў рублёў і пуцёўка ў дом творчасьці на швэдзкім востраве Готланд.
Павал Касцюкевіч заявіў, што частку сваёй грашовай прэміі перадасьць сям'і палітзьняволенага Сяргея Каваленкі.
Другое месца — Альгерд Бахарэвіч. «Малая медычная энцыкляпедыя». Узнагарода за другое месца прадугледжвае месячны побыт ва Ўроцлаве і выданьне кнігі ў Польшчы.
Трэцяе месца — Андрэй Федарэнка. «Мяжа». Узнагарода за трэцяе месца прадугледжвае месячную стыпэндыю ва Ўроцлаве.
У фінал конкурсу выйшлі:
Уладзіслаў Ахроменка. «Тэорыя змовы».
Альгерд Бахарэвіч. «Малая мэдычная энцыкляпэдыя Бахарэвіча».
Павал Касьцюкевіч. «Зборная РБ па негалоўных відах спорту».
Артур Клінаў. «Шалом: ваенны раман».
Аляксандр Лукашук. «Сьлед матылька. Освальд у Менску».
Андрэй Федарэнка. «Мяжа».
Альгерд Бахарэвіч. «Малая мэдычная энцыкляпэдыя Бахарэвіча».
Павал Касьцюкевіч. «Зборная РБ па негалоўных відах спорту».
Артур Клінаў. «Шалом: ваенны раман».
Аляксандр Лукашук. «Сьлед матылька. Освальд у Менску».
Андрэй Федарэнка. «Мяжа».
Кнігі Альгерда Бахарэвіча і Аляксандра Лукашука выдадзеныя летась у сэрыі «Бібліятэка Свабоды. XXI стагодзьдзе».
Your browser doesn’t support HTML5
Прэмія Гедройца. Зварот Аляксандра Лукашука
Пасол Польшчы Лешак Шарэпка не прыехаў на ўручэньне прэміі Ежы Гедройца
Замест яго выступіў часовы павераны Рэспублікі Польшча ў Беларусі Вітальд Юраш. Ён, у прыватнасьці сказаў, што тое, што ўсе паслы ЭЗ усьлед за польскім паслом пакінулі Беларусь, сьведчыць, што тут сапраўды ёсьць праблемы: «Спадчына Гедройца ў тым, што нам не абыякава тое, што адбываецца сёньня ў Беларусі. І тое, што пасла сёньня ў Беларусі няма, таксама значыць, што нам гэта не абыякава».
ІНТЭРНЭТ-ВІДЭАТРАНСЛЯЦЫЯ ЦЫРЫМОНІІ (ПОЎНЫ ЗАПІС)
На прэмію, якая сёлета прыдсуджаецца ўпершыню, магла намінавацца любая кніга, выдадзеная цягам 2011 году. Абавязковая ўмова — беларускамоўнасьць.
У журы ўваходзяць пісьменьнікі Уладзімер Арлоў і Барыс Пятровіч, філёзаф Валянцін Акудовіч, крытыкі Людміла Рублеўская і Маргарыта Аляшкевіч, перакладчык і старшыня Польскага ПЭН-клубу Адам Паморскі, дырэктар Польскага інстытуту і Мінску Пётар Казакевіч.
Ганаровы старшыня журы — пасол Польшчы ў Беларусі Лешак Шарэпка, якога напярэдадні беларускія ўлады папрасілі пакінуць краіну.
34MAG пагутарыў з усімі шасьцю фіналістамі.