28 кангрэсмэнаў і сэнатараў палаты прадстаўнікоў ЗША зьвярнуліся да міжнароднай хакейнай фэдэрацыі з заклікам перанесьці чэмпіянат сьвету па хакеі-2014 зь Менску.
Падпісанты, сярод якіх як дэмакраты, так і рэспубліканцы, выказваюць у лісьце глыбокую заклапочанасьць сытуацыяй з правамі чалавека ў Беларусі, адзначаючы рост уціску свабоды слова пасьля выбарчай кампаніі 2010 году.
Паводле аўтараў ліста, «татальная атмасфэра перасьледу ў Беларусі» дае сур’ёзныя падставы для занепакоенасьці, што бясьпека гульцоў, афіцыйных асобаў, журналістаў і заўзятараў ня будзе гарантаваная ў тым разе, калі чэмпіянат адбудзецца ў Менску. Падпісанты лічаць, што з улікам сытуацыі Міжнародная фэдэрацыя хакею мае права забраць у Беларусі чэмпіянат і перанесьці яго ў іншую краіну.
Кангрэсмэны, у ліку якіх, у прыватнасьці, сьпікер Палаты прадстаўнікоў Джон Бэйнэр і кіраўніца дэмакратычнай меншасьці Нэнсі Пэлосі, заклікаюць кожную з краін-чальцоў Міжнароднай фэдэрацыі хакею патрабаваць ад уладаў Беларусі вызваленьня ўсіх палітычных вязьняў. Калі гэтага не адбудзецца, Беларусь, паводле аўтараў ліста, мае быць пазбаўленая гонару прымаць удзельнікаў хакейнага першынства сьвету.
Паводле аўтараў ліста, «татальная атмасфэра перасьледу ў Беларусі» дае сур’ёзныя падставы для занепакоенасьці, што бясьпека гульцоў, афіцыйных асобаў, журналістаў і заўзятараў ня будзе гарантаваная ў тым разе, калі чэмпіянат адбудзецца ў Менску. Падпісанты лічаць, што з улікам сытуацыі Міжнародная фэдэрацыя хакею мае права забраць у Беларусі чэмпіянат і перанесьці яго ў іншую краіну.
Кангрэсмэны, у ліку якіх, у прыватнасьці, сьпікер Палаты прадстаўнікоў Джон Бэйнэр і кіраўніца дэмакратычнай меншасьці Нэнсі Пэлосі, заклікаюць кожную з краін-чальцоў Міжнароднай фэдэрацыі хакею патрабаваць ад уладаў Беларусі вызваленьня ўсіх палітычных вязьняў. Калі гэтага не адбудзецца, Беларусь, паводле аўтараў ліста, мае быць пазбаўленая гонару прымаць удзельнікаў хакейнага першынства сьвету.