Міністэрства культуры Беларусі адказала на зварот грамадзян аб усталяваньні помніка нацыянальнаму герою Беларусі, кіраўніку паўстаньня 1863 году Кастусю Каліноўскаму.
Мінкульт у адказ на зварот грамадзян пералічыў усё, чым ушаноўвалася памяць Каліноўскага з 1928 году, і заявіў, што ў Беларусі дзеля гэтага і так шмат зроблена. Пасьля гэтага Мінкульт інфармуе, што згодна з пастановай Саўміну пытаньні ўсталяваньня помнікаў вырашаюць мясцовыя ўлады. Ліст падпісаны намесьнікам міністра Ўладзімерам Карачэўскім. Прычым на беларускамоўны зварот чыноўнік адказаў па-расейску.
Ліст зь Мінкульту быў адрасаваны кіраўніку ініцыятыўнай групы Алегу Корбану.
Зварот аб усталяваньні помніка Каліноўскаму ў Менску быў накіраваны ўладам 9 ліпеня. Актывісты даслалі лісты кіраўніку Менскага гарсавету дэпутатаў, міністру культуры, старшыні Менгарвыканкаму.
Усяго было сабрана 4000 подпісаў за помнік Каліноўскаму ў Менску, 3500 зь іх паслалі ўладам.
Кампанію зьбіраньня подпісаў сярод жыхароў Менску за будоўлю помніка лідэру нацыянальна-вызвольнага паўстаньня 1863–1864 гадоў Кастусю Каліноўскаму правялі актывісты грамадзкай арганізацыі «Альтэрнатыва». Яны ж і прапанавалі месца будучага помніка: сквэр, які пачынаецца з вуліцы Каліноўскага, побач з праспэктам Незалежнасьці. Паблізу — Усходнія могілкі, дзе пахаваныя дзеячы беларускай культуры, штогод тут праходзіць шэсьце ў Курапаты.
Актывісты зазначаюць пазытыўнае стаўленьне жыхароў Менску да іхняй ініцыятывы. Людзі ведаюць, хто такі Каліноўскі, разумеюць важнасьць паўстаньня пад ягоным кіраўніцтвам.
Ліст зь Мінкульту быў адрасаваны кіраўніку ініцыятыўнай групы Алегу Корбану.
Алег Корбан
«Міністэрства культуры, як і раней Менскі гарадзкі Савет дэпутатаў, у сваіх адказах прадэманстравалі сваю няздольнасьць прыняць рашэньне па нашай прапанове. А таксама, відавочна, чыноўнікі і дэпутаты ня хочуць браць адказнасьць за прыняцьце якіх-небудзь рашэньняў па помніку Каліноўскаму. Ідэнтычная рэакцыя была і ў кіраўніцтва Менгарвыканкаму, ад якіх на пачатку жніўня прыйшоў падобны адказ. Мне здаецца, чыноўнікі чакаюць указаньня свайго галоўнага начальніка, безь яго яны ня ў стане праявіць ініцыятыўнасьць і рашучасьць. Пакуль няма ад яго апошняга слова, нам будуць і ў далейшым прыходзіць такія фармальныя адпіскі ад розных уладных структур», — так пракамэнтаваў Свабодзе адказ чыноўніка зь Мінкульту Алег Корбан.Зварот аб усталяваньні помніка Каліноўскаму ў Менску быў накіраваны ўладам 9 ліпеня. Актывісты даслалі лісты кіраўніку Менскага гарсавету дэпутатаў, міністру культуры, старшыні Менгарвыканкаму.
Усяго было сабрана 4000 подпісаў за помнік Каліноўскаму ў Менску, 3500 зь іх паслалі ўладам.
Кампанію зьбіраньня подпісаў сярод жыхароў Менску за будоўлю помніка лідэру нацыянальна-вызвольнага паўстаньня 1863–1864 гадоў Кастусю Каліноўскаму правялі актывісты грамадзкай арганізацыі «Альтэрнатыва». Яны ж і прапанавалі месца будучага помніка: сквэр, які пачынаецца з вуліцы Каліноўскага, побач з праспэктам Незалежнасьці. Паблізу — Усходнія могілкі, дзе пахаваныя дзеячы беларускай культуры, штогод тут праходзіць шэсьце ў Курапаты.
Актывісты зазначаюць пазытыўнае стаўленьне жыхароў Менску да іхняй ініцыятывы. Людзі ведаюць, хто такі Каліноўскі, разумеюць важнасьць паўстаньня пад ягоным кіраўніцтвам.