Споўнілася 20 гадоў кіраваньня Аляксандра Лукашэнкі. Небывалы выпадак для сучаснай дэмакратычнай Эўропы, каб адзін чалавек два дзесяцігодзьдзі кіраваў краінай. І ніхто не бярэцца прадказаць, як доўга ён яшчэ будзе ўладарыць?
Што гэта за фэномэн? Чым заслужылі беларусы такога лідэра? Чаму церпяць яго такі доўгі час? Якія гістарычныя, культурныя, мэнтальныя, рэлігійныя падставы ён мае? І якія наступствы будзе мець?
Лукашэнка — люстэрка нацыі, ці ён — прэзыдэнт насельніцтва?
У дыскусіі бяруць удзел тэоляг, культуроляг Ірына Дубянецкая, пісьменьнік, публіцыст Сяргей Дубавец і аглядальнік Радыё Свабода, журналіст Віталь Цыганкоў. Вядзе перадачу Вячаслаў Ракіцкі.