Дэпутаты турэцкага парлямэнту аднагалосна ўхвалілі склад камісіі, якая зоймецца расьследаваньнем спробы дзяржаўнага перавароту.
Камісія, якая складаецца з прадстаўнікоў чатырох вядучых партый, у справе допыту падазраваных атрымала гэткія ж паўнамоцтвы, як і пракуратура.
Спроба вайсковага перавароту ў Турэччыне адбылася ў ноч на 16 ліпеня. Паводле апошніх зьвестак, у выніку сутыкненьняў загінулі 246 чалавек, ня лічачы путчыстаў, 2185 чалавек атрымалі раненьні.