Генэральная асамблея ААН прыняла рэзалюцыю наконт парушэньня правоў чалавека ў Крыме, паведамляе Інтэрфакс з спасылкай на прэсавую службу пасольства ЗША ва Ўкраіне.
За яе прыняцьце прагаласавала 65 краін, супраць – 27, устрымалася 70.
Дакумэнт
- пацьвярджае недапушчальнасьць захопу тэрыторыі Аўтаномнай рэспублікі Крым сілай,
- асуджае Расею за палітычна матываваныя перасьледы грамадзян Украіны,
- заклікае Расею вызваліць украінцаў, якіх яна незаконна ўтрымлівае.
Разам зь Беларусьсю супраць рэзалюцыі прагаласавалі Армэнія, Балівія, Бурундзі, Вэнэсуэла, Зымбабвэ, Індыя, Іран, Казахстан, Камбоджа, Каморскія астравы, Кіргізстан, Кітай, КНДР, Куба, М'янма, Нікарагуа, Паўднёва-Афрыканская Рэспубліка, Расейская Фэдэрацыя, Сэрбія, Судан, Сырыя, Таджыкістан, Уганда, Узбэкістан, Чад і Эрытрэя.
ГЛЯДЗІЦЕ ТАКСАМА: «Беларусь — васал Расеі». У Кіеве пракамэнтавалі галасаваньне ў ААН ГЛЯДЗІЦЕ ТАКСАМА: Генасамблея ААН не прыняла рэзалюцыю РФ па дамове аб ракетах ГЛЯДЗІЦЕ ТАКСАМА: «Кіеў спадзяецца, што Беларусь застанецца нашым «гібрыдным саюзьнікам», — украінскі палітоляг