Сёньня па ўсёй Польшчы праходзяць шэсьці супраць нянавісьці і гвалту. Гэта рэакцыя на ўчорашні напад на прэзыдэнта гораду Гданьску Паўла Адамовіча, які сёньня памёр у шпіталі ад атрыманых ран.
"Паўле, мы абаронім Гданьск і Польшчу ад нянавісьці і пагарды", - сказаў у Гданьску старшыня Эўрапейскай рады Дональд Туск.
Гданьск
На мітынг каля Палацу Культуры і Навукі ў Варшаве запрасіў жыхароў польскай сталіцы прэзыдэнт Варшавы Рафал Тшаскоўскі.
"Хай нас будзе чым найболей", - сказаў ён.
Варшава
Сёньня ўдзень прадстаўнік шпіталю ў Гданьску, куды ўчора ўвечары трапіў прэзыдэнт гораду, паведаміў, што Павал Адамовіч памёр. Пра гэта журналістам распавёў хірург Томаш Стэфаняк.
Як сказаў раней Томаш Стэфаняк, Павал Адамовіч перанёс апэрацыю пасьля нападу 13 студзеня, якая працягвалачя 5 гадзінаў. Адамовіч атрымаў сур’ёзныя раненьні сэрца, дыяфрагмы і ўнутраных органаў.
ГЛЯДЗІЦЕ ТАКСАМА: Памёр мэр Гданьску, на якога ўчора напалі з нажомЯго стан ацэньвалі як «вельмі цяжкі». Пасьля апэрацыі ён знаходзіўся ў фармакалягічнай коме.
Напад адбыўся падчас фіналу штогадовай дабрачыннай акцыі «Вялікі аркестар сьвяточнай дапамогі». На сцэну, дзе адбывалася дзея, забег мужчына і ўдарыў палітыка нажом. Пасьля гэтага нападніка затрымалі.
ГЛЯДЗІЦЕ ТАКСАМА: Спрыяў беларускай мове і аб’езьдзіў усю Беларусь. 8 фактаў пра мэра Гданьску, якога атакавалі з нажом