Беларуская асацыяцыя журналістаў склала рэйтынг адкрытасьці асноўных дзяржаўных ведамстваў і арганізацый. Ён грунтуецца на апытаньні прадстаўнікоў вядучых дзяржаўных і недзяржаўных мэдыяў, сярод якіх Радыё Свабода.
Вынікі апытаньня БАЖ дашле ў дзяржаўныя структуры.
У апытаньні бралі ўдзел 50 журналістаў. Іх прасілі ацаніць, наколькі лёгка атрымаць інфармацыю ад чыноўнікаў у тым ці іншым ведамстве.
У выніку найбольш даступнымі названыя Міністэрства па надзвычайных сытуацыях, Міністэрства замежных спраў і Дзяржаўны памежны камітэт.
Самыя закрытыя, паводле журналістаў, — Апэратыўна-аналітычны цэнтар, МУС, КДБ і ГУУС Менгарвыканкаму.
Нізкія балы атрымалі таксама Адміністрацыя прэзыдэнта і Міністэрства аховы здароўя.
ГЛЯДЗІЦЕ ТАКСАМА: Чаму прэс-службы «закрываюць» чыноўнікаў ад журналістаўПаводле БАЖ, нараканьні журналістаў на ведамствы, дзе кепска арганізаваная праца са СМІ, традыцыйныя. Гэта немагчымасьць апэратыўна атрымаць інфармацыю, складанасьці з доступам журналістаў на мерапрыемствы, прыярытэтнае прадстаўленьне інфармацыі дзяржаўнаму агенцтву БелТА.
ГЛЯДЗІЦЕ ТАКСАМА: Прэс-сакратара Міністэрства ўнутраных спраў зьнялі за скандал зь менскім гарадавым?Паводле намесьніка старшыні ГА «БАЖ» Барыса Гарэцкага, такое апытаньне ладзіцца чацьвёрты раз і «самыя горшыя адзнакі атрымліваюць адны з самых важных у дзяржаве структур».
«Некаторыя структуры калегі называць проста закрытымі. Даволі сумны вынік, бо апэратыўная і дакладная інфармацыя ў мэдыя — гэта гарантыя інфармацыйнай бясьпекі краіны».
ГЛЯДЗІЦЕ ТАКСАМА: «Рэпартэры бязь межаў» асудзілі пакараньне галоўнай рэдактарцы Tut.by