Прэзыдэнт ЗША Дональд Трамп падпісаў дэклярацыю, у якой прызнаецца сувэрэнітэт Ізраілю над Галянскімі вышынямі, паведаміла агенцтва Reuters. Гэтую тэрыторыю Ізраіль захапіў у Сырыі ў выніку араба-ізраільскай вайны 1967 году.
Прэзыдэнт ЗША падпісаў дакумэнт на пачатку сустрэчы ў Вашынгтоне з прэм'ер-міністрам Ізраілю Бэньямінам Нэтаньягу. Гэты крок можа паспрыяць пазыцыям Нэтаньягу на выбарах у Ізраілі, якія маюць адбыцца 9 красавіка.
У 1981 годзе парлямэнт Ізраілю прыняў закон аб тым, што гэтая тэрыторыя зьяўляецца ізраільскай. Але Рада бясьпекі ААН не прызнала гэтага рашэньня, а ААН неаднаразова называла анэксію Галянскіх вышынь незаконнай і заклікала Ізраіль вярнуць тэрыторыю Сырыі.