Скульптура князя Гедзіміна ў гліне прайшла апошні этап ухваленьня. Бронзавы помнік мае зьявіцца ў жніўні.
Рэспубліканская мастацка-экспэртная рада ў манумэнтальным мастацтве зацьвердзіла скульптуру, выкананую ў арыгінальным памеры, 27 траўня. Аўтары — скульптары Сяргей Аганаў і Вольга Нячай.
Сяргей Аганаў і Вольга Нячай, архіўнае фота
Вышыня помніка «ад капытоў каня да макушкі галавы князя» складае 3,2 мэтра, разам з пастамэнтам — 6,2 мэтра. Над фігурай у мяккім матэрыяле майстры працавалі больш за 3 месяцы амаль без выходных, расказаў Сяргей Аганаў.
Помнік князю Гедзіміну
Цяпер скульптурны камбінат рыхтуе формы, каб адліць скульптуру ў бронзе, і працуе над гранітным пастамэнтам. Канчатковы помнік плянуюць вырабіць да сярэдзіны жніўня. У Лідзе яго хочуць адкрыць у верасьні. Яго паставяць каля паўночнай сьцяны Лідзкага замка, на скрыжаваньні вуліц Грунвальдзкай і Замкавай.
На пастамэнце зробяць надпіс «Гедымін» і выяву герба «Калюмны».
ГЛЯДЗІЦЕ ТАКСАМА: Гедымін ці Гедзімін? Аўтары помніка для Ліды папрасілі дапамогі гісторыкаў ГЛЯДЗІЦЕ ТАКСАМА: «Гедымін» перамог «Гедзіміна». Навукоўцы паспрачаліся праз помнік князю ў ЛідзеЯк патлумачыў Сяргей Аганаў, вобраз князя хацелі зрабіць цэльным, без празьмерных падрабязнасьцяў. Таму ягоную фігуру і часткова каня накрывае вялізны плашч. Ён сымбалізуе ўладу Гедзіміна, землі, якія той сабраў у Вялікае Княства Літоўскае.
«Як у Багародзіцы Пакровы, так і Гедзімін нібы зьбірае і аб’ядноўвае нашыя землі. Плашч — сымбаль гэтага», — кажа Аганаў.
ГЛЯДЗІЦЕ ТАКСАМА: «Гэта помнік сапраўднаму дзяржаўнаму дзеячу», — пераможца у конкурсе эскізаў коннага помніка ГедзімінуГэтая публікацыя падрыхтаваная з выкарыстаньнем інфармацыі БелаПАН.