Уладзімер Сямашка будзе несьці пэрсанальную адказнасьць за прасоўваньне нацыянальных інтарэсаў Беларусі ў Саюзнай дзяржаве і адносінах з Расеяй, паведамляе БелТА. Такія паўнамоцтвы паслу Расеі ў Беларусі даў сваім указам Аляксандар Лукашэнка.
Як вынікае з указу, Уладзімір Сямашка пры рэалізацыі паўнамоцтваў віцэ-прэм’ера прадстаўляе Беларусь у кантактах са службовымі асобамі і дзяржаўнымі органамі Расеі і органамі Саюзнай дзяржавы па пытаньнях двухбаковага супрацоўніцтва.
ГЛЯДЗІЦЕ ТАКСАМА: Лукашэнка заклікаў адмовіцца ў ЭАЭС ад «пратэкцыянізму на нацыянальных узроўнях»Ён будзе ўносіць прапановы ўраду, органам дзяржаўнага кіраваньня і іншым дзяржорганам і арганізацыям па пытаньнях гандлёва-эканамічнага і інвэстыцыйнага супрацоўніцтва з Расеяй.
Акрамя таго, ён каардынуе дзейнасьць рэспубліканскіх органаў дзяржаўнага кіраваньня і іншых дзяржарганізацый, падпарадкаваных ураду, прадстаўнікоў Беларусі ў органах Саюзнай дзяржавы, дае ім абавязковыя для выкананьня ўказаньні і кантралюе іх рэалізацыю.
Уладзімір Сямашка будзе несьці пэрсанальную адказнасьць за прасоўваньне нацыянальных інтарэсаў Беларусі ў Саюзнай дзяржаве і адносінах з Расеяй.