Прэс-сакратарка Міністэрства ўнутраных справаў Беларусі Вольга Чамаданава расказала ў Telegram аб паведамленьні пра бомбы, нібыта закладзеныя ў абласных камітэтах БРСМ.
Зьвесткі пра бомбы прыйшлі праз электронную пошту. Колькі камітэтаў «замінавалі», не ўдакладняецца. Але на месцы, аб якіх пісалі, накіравалі сьледчых і сапэраў, ратавальнікаў і мэдыкаў.
Па выніках праверак бомбаў не знайшлі ў Віцебскай, Гомельскай, Горадзенскай, Магілёўскай і Менскай раённых, а таксама ў Менскай гарадзкой арганізацыі
ГЛЯДЗІЦЕ ТАКСАМА: Тэлефоннага бамбіста з Баранавічаў адправілі ў калёнію і будуць лячыць ад алькагалізмуУ пачатку году па Беларусі прайшла хваля «фальшывых мінэраў»: за першыя чатыры месяцы былі заведзеныя 19 крымінальных справаў за фальшывае паведамленьне пра небясьпеку, калі за ўвесь папярэдні год такіх было толькі 23.
Праваахоўнікі абавязаныя правяраць любое такое паведамленьне, колькі б не было сумневаў у праўдзівасьці зьвестак. Штораз яны вымушаныя перакрываць доступ людзей у месцы, дзе нібыта ёсьць бомба, а сапэры вымушаныя шукаць выбухоўку, пакуль ня будзе поўнай упэўненасьці ў яе адсутнасьці.
За «заведама непраўдзівае паведамленьне пра небясьпеку» крымінальная адказнасьць надыходзіць з 14 гадоў. Паводле ч.1 арт. 340 КК РБ можа пагражаць штраф, арышт, абмежаваньне волі на тэрмін да 3 гадоў або да 5 гадоў пазбаўленьня волі.
ГЛЯДЗІЦЕ ТАКСАМА: У Менску зноў адкрытыя гандлёвыя цэнтры Galileo, «Замак» і чыгуначны вакзал. ФОТА. ВІДЭА