Украіна пагадзілася на ўрэгуляваньне сытуацыі на Данбасе паводле прапанаванага «нармандзкай чацьвёркай» пляну, вядомага як «формула Штайнмаера», паведаміў 1 кастрычніка прэзыдэнт Уладзімір Зяленскі.
Але рашэньне спадабалася ня ўсім: некаторыя экспэрты кажуць, што «Ўкраіна прыняла расейскі сцэнар», і называюць гэта «капітуляцыяй» у вайне на Данбасе. Супраць выступіў у тым ліку папярэдні прэзыдэнт Украіны Пятро Парашэнка.
Пад лёзунгам «„Не“ — капітуляцыі» ўвечары 1 жніўня прайшла акцыя пратэсту ў Кіеве.
ГЛЯДЗІЦЕ ТАКСАМА: Украіна дамовілася аб разьвядзеньні войскаў на Данбасе і правядзеньні мясцовых выбараў ГЛЯДЗІЦЕ ТАКСАМА: Ці магчымы новы Майдан ва Ўкраіне? Экспэрты камэнтуюць «формулу Штайнмаера»На цэнтральнай плошчы Кіева, майдане Незалежнасьці, сабраліся некалькі соцень актывістаў. Яшчэ каля сотні ўкраінскіх нацыяналістаў і прыхільнікаў праварадыкальных сілаў у той вечар пікетавалі офіс прэзыдэнта.
На плошчы Незалежнасьці
Намёк на лёс Віктара Януковіча, якому не шанцавала зь ялінамі: аднойчы ён забыў назву дрэва і праз паўхвіліны роздуму сказаў «ёлка» замест «ялінка», іншага разу на яго ў час ускладаньня вянкоў павалілася вялізная хвойная канструкцыя
Яшчэ адзін намёк на лёс Януковіча: у 2014 годзе ён уцёк з Украіны і зьвяртаўся да грамадзянаў з расейскага Растову: «Спыніцеся!»
Пад «Менскам», верагодна, маецца на ўвазе не беларуская сталіца як такая, а менскія перамовы па Данбасе
Тым часам пад офісам прэзыдэнта