Меней чым за суткі ў падтрымку затрыманым у Лідзе сабралі 4 705 рублёў.
Двух фэльчараў і яшчэ чатырох жыхароў Ліды напярэдадні затрымалі за сустрэчы з блогерам Сяргеем Ціханоўскім.
Збор грошай у падтрымку затрыманых пачалі на плятформе MolaMola увечары 8 траўня. За гэты час грошы ахвяравалі трыста чалавек.
Фэльчараў зь Ліды Паўла Палейчыка і Алега Краўцова асудзілі на 7 сутак адміністратыўнага арышту за тое, што прыходзілі на сустрэчу з блогерам Ціханоўскім.
ГЛЯДЗІЦЕ ТАКСАМА: Двух мэдыкаў зь Ліды асудзілі за ўдзел у сустрэчы з блогерам ЦіханоўскімНа такі ж тэрмін (7 сутак арышту) арыштаваныя яшчэ 2 жыхары Ліды: Максім Палонскі і Андрэй Паляковіч. Актывіст Павел Анціпкін пакуль чакае суду, яшчэ аднаго лідзяніна пакаралі штрафам у 270 рублёў.
Па ўсёй Беларусі 7–9 траўня затрымалі некалькі дзясяткаў чалавек, якія падтрымлівалі Сяргея Ціханоўскага. Самога аўтара Youtube-каналу «Страна для жизни» затрымалі ў Магілёве 6 траўня, ён адбывае сваё ранейшае пакараньне арыштам на 15 сутак.
ГЛЯДЗІЦЕ ТАКСАМА: Каго затрымалі за салідарнасьць з блогерам Сяргеем Ціханоўскім. СьпісЦіханоўскі заявіў пра сваё жаданьне ўдзельнічаць у выбарах прэзыдэнта. Здаць сьпісы ініцыятыўных груп трэба да 15 траўня.
ГЛЯДЗІЦЕ ТАКСАМА: Здымаў кліпы, хоча быць прэзыдэнтам. Хто такі Сяргей Ціханоўскі, на якога два дні палявала міліцыя