Каб дапамагчы супрацоўнікам арганізацый дзяржаўнага кіраваньня выказаць сваю падтрымку народным патрабаваньням, супольнасьць «Честные люди» распрацавала бясьпечны чат-бот на плятформе Telegram @honest_dialog_bot.
Такім чынам, зьявілася магчымасьць адказаць, ці падтрымліваюць кіраўнікі дзяржустановаў народныя патрабаваньні, пры жаданьні можна заставацца інкогніта.
Больш падрабязна аб праекце і пакрокавым выкананьні інструкцый — на сайце dialog.honest-people.by.
ГЛЯДЗІЦЕ ТАКСАМА: Не магу маўчаць. «Карміць гэты рэжым я ня буду»Паводле ініцыятывы, гэта дапаможа пачаць збор статыстыкі, якая пакажа народу адзінства з тымі, хто рэальна кіруе краінай, а не проста раздае злачынныя загады.
«У органах дзяржаўнага кіраваньня працуюць больш за 100 тысяч чалавек. Менавіта ў вашых руках магчымасьць спыненьня крызісу, які ўзьнік з-за фальсыфікацыі выбараў прэзыдэнта і гвалту з боку сілавых органаў. Калі вы працуеце ў дзяржаўных органах, падтрымайце народныя патрабаваньні праз бясьпечны чат-бот», — гаворыцца ў звароце «Честных людей».
ГЛЯДЗІЦЕ ТАКСАМА: «Не хацеў разглядаць палітычныя справы». Судзьдзя зь Пінску звольніўся з працыЦяпер супрацоўнікі дзяржаўных органаў могуць бясьпечна праявіць асабістую пазыцыю і падтрымаць народныя патрабаваньні. Перадусім спыніць гвалт з боку сілавікоў, пакараць вінаватых і правесьці новыя сумленныя выбары.
«Працягваючы выконваць злачынныя загады дзейнай улады, вы парушаеце прынцыпы закону аб дзяржаўнай службе: вяршэнства Канстытуцыі Рэспублікі Беларусь, служэньне народу і прыярытэт правоў і свабодаў чалавека. Кожны супрацоўнік — найважнейшая частка мэханізму кіраваньня краінай. Мы пакажам, што сумленных дзяржслужачых — большасьць», — зьвяртаюцца «Честные люди» да чыноўнікаў.
ГЛЯДЗІЦЕ ТАКСАМА: У Глыбокім звольнілася 28-гадовая ідэоляг райвыканкаму і расказала пра тамтэйшыя норавыУ выніку гэта дапаможа сфармаваць супольнасьць людзей, якім не абыякавы лёс краіны, і пачаць рух дзеля пераадоленьня крызісу, перакананыя ініцыятары дыялёгу дзяржамэнэджэраў з народам.