Цяпер актуальную інфармацыю пра вязьняў можна знайсьці на сайце prisoners.spring96.org.
У кожнага палітычнага зьняволенага, якіх на 21 сьнежня ў краіне 158 чалавек, ёсьць на гэтым сайце свая старонка, дзе сабраныя ўсе вядомыя на бягучы момант зьвесткі пра іх:
• праца, адукацыя, хобі і іншыя інтарэсы вязьня
• акалічнасьці крымінальнай справы і затрыманьня
• храналёгія судовых працэсаў
• адрас для лістоў.
Таксама на інтэрнэт-старонцы можна знайсьці зьвесткі пра былых палітзьняволеных, апошнія навіны пра цяперашніх вязьняў, мапу з адрасамі месцаў зьняволеньня і парады, як можна дапамагчы рэпрэсаваным.
Інфармацыя аб палітвязьнях дапаўняецца і абнаўляецца. Калі вам вядомыя зьвесткі, не пазначаныя на сайце, праваабаронцы просяць паведамляць пра гэта на пошту viasna@spring96.org.