Прэзыдэнт ЗША Джо Байдэн у панядзелак скасаваў уведзеную ягоным папярэднікам Дональдам Трампам забарону на службу трансгендэраў ва Ўзброеных сілах, паведаміў «Голас Амэрыкі».
«Прэзыдэнт Байдэн перакананы, што гендэрная ідэнтычнасьць не павінна быць перашкодай для праходжаньня вайсковай службы і што сіла Амэрыкі ў ейнай разнастайнасьці», — гаворыцца ў заяве Белага дома.
У 2016 годзе Барак Абама дазволіў трангендэрам служыць у войску, не хаваючы сваёй гендэрнай ідэнтычнасьці. У 2017 годзе Дональд Трамп прыпыніў прыём трансгендэраў у войска, але дзейным вайскоўцам-трансгендэрам дазволіў служыць далей.
ГЛЯДЗІЦЕ ТАКСАМА: Байдэн даручыў выведцы ЗША сабраць дадзеныя аб атручэньні Навальнага і «варожых дзеяньнях» Расеі ГЛЯДЗІЦЕ ТАКСАМА: «Нельга марнаваць часу». Што Джо Байдэн зрабіў у першы дзень прэзыдэнцтва