Пра гэта паведамляе tut.by са спасылкай на сайт эўрадэпутаткі.
Карын Карлсбру прапануе дэпутатам падпісацца пад лістом у Эўрапейскі зьвяз радыё і тэлевізіі (EBU), каб Беларусь ня ўдзельнічала ў вясновым конкурсе песьні «Эўравізія» ў Нідэрляндах.
Недапушчальна, што EBU супрацоўнічае зь Белтэлерадыёкампаніяй, паколькі яе кіраўнік Іван Эйсмант уключаны ў санкцыйны сьпіс ЭЗ, а ў кампаніі перасьледуюць супрацоўнікаў, адзначыла эўрадэпутатка. Яна дадала, што супрацоўніцтва з БТ мусяць прыпыніць і іншыя эўрапейскія мэдыякампаніі.
Раней з ініцыятывай дамагчыся выключэньня Белтэлерадыёкампаніі з Эўрапейскага вяшчальнага зьвязу і пазбавіць яе права трансьляцыі і ўдзелу ў гэтым песенным конкурсе выступіў Беларускі фонд культурнай салідарнасьці.
Музычны конкурс «Эўравізіі» пройдзе ў траўні ў Ротэрдаме.