24 сакавіка група праціўнікаў заводу сустрэлася з чыноўнікамі, у прыватнасьці, з кіраўніцтвам Берасьцейскага райвыканкаму і абласнога савету дэпутатаў. Чыноўнікі ім заявілі, што для правядзеньня рэфэрэндуму няма падставаў, піша «Белсат».
Летась падчас візыту ў Берасьце 22 чэрвеня Лукашэнка абяцаў, што лёс заводу будзе вырашацца на мясцовым рэфэрэндуме: працаваць прадпрыемству ці закрыцца, вызначаць жыхары рэгіёну. Але ўжо ў сьнежні без усякага плебісцыту пачалі запуск заводу.
Праваабаронца Раман Кісьляк сказаў, што юрыдычна прадпрыемства запрацавала яшчэ 13 сакавіка. Старшыня Берасьцейскага райвыканкаму Ўладзімер Сянчук пагадзіўся з пазыцыяй Тэльмінскага сельскага выканкаму, што правядзеньне мясцовага рэфэрэндуму «не адпавядае заканадаўству», інфармуе Tut.by.
На думку чыноўніка, завод не парушае экалягічных нормаў. Праціўнікі заводу маюць супрацьлеглую інфармацыю. Акумулятарны завод ужо спынялі ў 2019 годзе «да ліквідацыі выяўленых парушэньняў».
ГЛЯДЗІЦЕ ТАКСАМА: Ініцыятыўнай групе правядзеньня рэфэрэндуму пра лёс акумулятарнага заводу адмовілі ў рэгістрацыі, нягледзячы на абяцаньні ЛукашэнкіКаму належыць завод
У траўні 2020 году завод атрымаў найменьне ТАА «Акумулятарны Альянс». 85% кампаніі належаць Сяргею Кагановічу, а 15% — Дзьмітрыю Баскаву, старшыні Фэдэрацыі хакею, набліжанаму да Лукашэнкі. Баскава падазраюць у датычнасьці да гібелі Рамана Бандарэнкі ў лістападзе.
25 верасьня 2020 году ўлады спынілі дзеяньне распараджэньня былога старшыні аблвыканкаму Анатоля Ліса аб прыпыненьні будаўніцтва акумулятарнага заводу.
У сакавіку 2021 году завяршыла працу прыёмачная камісія па ўводзе прадпрыемства ў эксплюатацыю. Завод атрымаў поўны пакет дакумэнтаў, якія пацьвярджаюць адпаведнасьць патрабаваньням экалягічнай бясьпекі і эксплюатацыйнай надзейнасьці.
ГЛЯДЗІЦЕ ТАКСАМА: Акумулятарны завод пад Берасьцем прызналі «бясьпечным і надзейным» ГЛЯДЗІЦЕ ТАКСАМА: «Калі мякка сказаць, яны збаяліся». Гісторыя звольненага азотаўца з 26-гадовым стажам