Прэзыдэнт Пакістану Арыф Алві паведаміў, што захварэў на COVID-19, нягледзячы на тое, што яму зрабілі першую дозу вакцыны.
«Мой тэст на каранавірус станоўчы, — напісаў ён у „Твітэры“. — Я атрымаў першую дозу вакцыны, але антыцелы пачынаюць фармавацца пасьля другой дозы».
У міністра абароны таксама дыягнаставалі каранавірус.
Тыднем раней на COVID-19 захварэлі прэмʼер-міністар краіны з жонкай.
У Пакістане 29 сакавіка паведамілі пра 4500 выяўленых хворых за дзень і 41 памерлага з каранавірусам.
ГЛЯДЗІЦЕ ТАКСАМА: 10 краінаў сьвету забясьпечылі сабе 76% даступных дозаў вакцынаў ад каранавірусу ГЛЯДЗІЦЕ ТАКСАМА: «Раённая анамалія»? Лічбы памерлых ад COVID-19 у Беларусі могуць быць заніжаныя ў сем разоў ГЛЯДЗІЦЕ ТАКСАМА: Аптэчка. 90 адказаў пра каранавірус ад Сусьветнай арганізацыі здароўя, мэдычных аўтарытэтаў і з найлепшай практыкі