Пра гэта піша Bloomberg са спасылкай на свае крыніцы. Паводле інфармацыі выданьня, атака адбылася на мінулым тыдні. Яна нібыта была праведзеная праз сэрвісы IT-правайдэра Synnex. Якія зьвесткі маглі атрымаць у распараджэньне або скрасьці хакеры, невядома.
ГЛЯДЗІЦЕ ТАКСАМА: Хакеры, якіх зьвязваць з Расеяй, атакавалі сотні кампаній у сьвецеАмбасада Расеі ў ЗША назвала публікацыю Bloomberg «выдумкамі» і адпрэчыла абвінавачаньні. Дыпляматы заявілі, што «ніякіх доказаў таго, што атака мела месца, няма».
Cozy Bear раней абвінавачвалі ва ўзломе Нацыянальнага камітэту Дэмакратычнай партыі ў 2016 годзе і масавай хакерскай атацы на SolarWinds ў 2021 годзе. Расея адмаўляе ўсе абвінавачаньні.
ГЛЯДЗІЦЕ ТАКСАМА: DW: Кібэратака, у якой падазраюць расейцаў, закранула тысячы кампутараў у НямеччынеТым часам прэзыдэнт ЗША Джо Байдэн заявіў, што вырашыў правесьці нараду аб кібэратаках з Расеі з ужываньнем так званых праграм-вымагальнікаў. Байдэн 6 ліпеня адказваў на пытаньне журналіста пра атаку на кампутарныя сеткі сама меней 1,5 тысячы кампаній, якія выкарыстоўваюць кампутарныя праграмы амэрыканскай фірмы Kaseya.
Паводле папярэдніх зьвестак, група хакераў з Расеі вядомая як REvil, выкарыстала праграмнае забесьпячэньне фірмы Kaseyа, каб блякаваць кампутары яе кліентаў і запатрабаваць выкуп за вяртаньне доступу да іх. Аб гэтай атацы стала вядома на мінулым тыдні. Спэцыялісты назвалі яе самай буйной зь вядомых хакерскіх атакаў. Паслугамі Kaseya карыстаюцца сотні тысяч у асноўным дробных кампаній па ўсім сьвеце, таму спэцыялісты кажуць, што пакуль немагчыма дакладна ацаніць маштабы гэтай атакі.
Амэрыканскія экспэрты кажуць, што групоўка REvil, як і Cozy Bear, зьвязаная з расейскімі выведнымі службамі.
ГЛЯДЗІЦЕ ТАКСАМА: New York Times: Расейскія хакеры ўчынілі кібэратакі на Пэнтагон і ядзерныя лябараторыі ЗША