Студэнту хімічнага факультэту Белдзяржунівэрсытэту 20-гадоваму Арцёму Баярскаму з Горадні чацьвёрты раз адмовілі ў зьмене меры стрыманьня.
Пра гэта паведамляе праваабарончы цэнтар «Вясна».
Баярскі быў затрыманы 18 кастрычніка, адразу пасьля адбыцьця 25 сутак адміністрацыйнага арышту за ўдзел у несанкцыянаванай акцыі. У дачыненьні да яго была ўзбуджаная крымінальная справа і выстаўленыя абвінавачаньні паводле ч. 1 арт. 361-1 Крымінальнага кодэкса (стварэньне экстрэмісцкага фармаваньня або кіраўніцтва такім фармаваньнем або яго структурным падразьдзяленьнем). Яму пагражае да сямі гадоў пазбаўленьня волі.
ГЛЯДЗІЦЕ ТАКСАМА: 19-гадовага палітвязьня Арцёма Баярскага адлічылі з БДУСтудэнт заявіў свайму адвакату, што 24 сакавіка быў катаваны супрацоўнікамі МУС, якія змушалі яго прызнацца на відэакамэру ў адміністраваньні пабліку аднаго з «экстрэмісцкіх» тэлеграм-каналаў.
6 траўня праваабаронцы прызналі Баярскага палітвязьням.
ГЛЯДЗІЦЕ ТАКСАМА: «Апроч Лукашэнкі, ніхто ня зможа ўзначаліць Беларусь». Дзед хлопца, абвінавачанага ў экстрэмізьме, пра ўнука і арышты. ВІДЭА