Падчас мірных пратэстаў 2020 году Сяргей Моніч нанёс на будынкі ў Заслаўі надпісы «АМАП — забойцы», «3%» і «Кубракоў — фашыст».
35-гадовага Сяргея Моніча затрымалі 21 сьнежня 2020 году, суд палічыў яго вінаватым у хуліганстве, абразе чыноўніка, а таксама ў захоўваньні наркотыку і пакараў на 3 гады зьняволеньня.
У сям'і Монічаў двое дзяцей — першаклясьнік Даніла і 5-гадовая Ганна. Жонка Сяргея Анастасія вымушаная выжываць на дапамогу, якую атрымлівае за догляд інваліда першай групы — 278 беларускіх рублёў.
У канцы лета валянтэры дапамаглі сабраць дзетак у школу і дзіцячы садок — сямʼі падарылі заплечнік, а таксама неабходныя канцтавары. Звароты Анастасіі да чыноўнікаў з просьбай дапамагчы дзецям застаюцца без адказу.
ГЛЯДЗІЦЕ ТАКСАМА: Цытаты праз краты. «Кожны, хто не абыякавы да Беларусі, тут вельмі патрэбен» ГЛЯДЗІЦЕ ТАКСАМА: Бацька Марыі Калесьнікавай: «Маша гучна сьмяялася, калі паглядзела выпуск па тэлевізіі пра іх суд» ГЛЯДЗІЦЕ ТАКСАМА: Палітвязень Максім Знак пасьля прысуду ўпершыню за год сустрэўся з бацькам