Памёр архіяпіскап Пінскі Стэфан (Ігар Корзун), яму было 78 гадоў
Пра гэта паведамляе «Наша ніва».
У чэрвені 2021 году ён быў адзіным чальцом Сыноду БПЦ, які выказаўся супраць гвалтоўнага адхіленьня архіяпіскапа Арцемія (Кішчанкі) з Горадзенскай катэдры.
Архіяпіскап Арцемій быў адхілены за крытыку гвалту з боку ўладаў падчас пратэстаў 2020 году.
ГЛЯДЗІЦЕ ТАКСАМА: «Просяць не маліцца за зьняволеных». Архіяпіскап Арцемій раскрыў, чаму стаў непажаданым для РПЦСтэфан (Корзун) нарадзіўся 25 сакавіка 1944 году ў вёсцы Корзуны Чэрвеньскага раёну. У 1975 годзе скончыў Маскоўскую духоўную сэмінарыю, пасьля чаго паступіў у Маскоўскую духоўную акадэмію. 9 студзеня 1978 году ў Жыровіцкім манастыры пастрыжаны ў манаства зь імем Стэфан у гонар першамучаніка і архідыякана Стэфана. У 1989 годзе быў прызначаны рэктарам Менскай духоўнай сэмінарыі. Япіскапам Пінскім і Лунінецкім быў прызначаны ў 1990 годзе. З 2000 году — архіяпіскап.