Паводле папярэдняй інфармацыі, заведзена як сама меней адна справа за «распальваньне варожасьці».
Праваабаронцы берасьцейскай «Вясны» паведамляюць пра затрыманьні, якія 2 жніўня адбыліся ў Пінску.
Сілавікі правялі па горадзе рэйд і затрымалі ня менш за 5 чалавек, сярод якіх тыя, каго раней неаднаразова затрымлівалі — Алесь Рамановіч і Дзяніс Сядых.
У дамах зладзілі вобшукі. Аднаму з затрыманых, згодна з папярэдняй інфармацыяй, пагражае крымінальны артыкул за распальваньне варожасьці.
У ліпені такія самыя зачысткі праходзілі ў Янаве, Драгічыне, Пружанах, Мазыры і іншых гарадах на поўдні Беларусі. Многія затрыманьні зьвязаныя з пошукам тых, хто мог фатаграфаваць перамяшчэньне расейскай тэхнікі па беларускіх дарогах для наступнага нападу на Ўкраіну.
ГЛЯДЗІЦЕ ТАКСАМА: «Няма тыдня, каб каго-небудзь не схапілі ў нас». На памежжы з Украінай масавыя затрыманьні і вучэньні ГЛЯДЗІЦЕ ТАКСАМА: Зь мяшком на галаве і зьвязанымі рукамі. Расейцы вывезьлі ўкраінскага падлетка ў дзіцячы дом у Беларусі, але там яго выратавалі