Па дарозе ў Семежава на «Калядных цароў» (уключаныя ў сьпіс нематэрыяльнай культурнай спадчыны UNESCO) у Грозаве Капыльскага раёну сілавікі затрымалі вялікую экскурсію — да 80 чалавек, на двух аўтобусах — з гідамі Алесем Варыкішам, Натальляй Жданок і Іванам Сацукевічам.
Ва ўсіх затрыманых праверылі дакумэнты і тэлефоны. Большасьць людзей, акрамя экскурсаводаў, адпусьцілі. Пазьней стала вядома, што двух экскурсаводаў — Алеся Варыкіша і Івана Сацукевіча — затрымалі на 72 гадзіны.
На абрад удзельнікі экскурсіі ня трапілі, бо іх 5 гадзін пратрымалі ў Капылі ў аўтобусе, пакуль правяралі.
ГЛЯДЗІЦЕ ТАКСАМА: Беларускае саломапляценьне ўнесьлі ў Сьпіс нематэрыяльнай культурнай спадчыны UNESCO