Гуманітарны рэйс, які заплянаваны на наступны тыдзень (6 лістапада, рэзэрвовая дата — 9 лістапада) будзе выконвацца на камэрцыйнай аснове і прызначаны толькі для грамадзян Рэспублікі Беларусь (рэгістрацыя ажыцьцяўляецца толькі па сапраўдных беларускіх праязных дакумэнтах).
Цяпер прадстаўніцтва «Белавія» ў Тэль-Авіве актуалізуе зьвесткі аб беларускіх грамадзянах у Ізраілі, якія хочуць зарэгістравацца на рэйс.
Выкананьне рэйсу, яго дакладная дата і час пацьвердзяць дадаткова з дапамогай індывідуальнага кантакту.
Квіток на гуманітарны рэйс зь Ізраілю ў Беларусь каштуе 550 даляраў. Пра гэта Reform.by расказалі ў прадстаўніцтве Belavia ў Тэль-Авіве.
Для падачы заяўкі, а таксама ўдакладненьня інфармацыі аб спосабах набыцьця авіябілетаў просяць тэрмінова зьвяртацца ў прадстаўніцтва «Белавія» ў Тэль-Авіве: +972 3 529 29 94/95, israel@belavia.by, вул. Фрышман 8.
ГЛЯДЗІЦЕ ТАКСАМА: Амбасадар Беларусі ў Ізраілі расказаў, чаму беларускіх грамадзян дагэтуль не эвакуаваліРэйс адбудзецца толькі празь месяц пасьля пачатку вайны. Раней беларускія чыноўнікі называлі розныя прычыны, паводле якіх эвакуацыя ня можа адбыцца.
Як тлумачыў амбасадар Беларусі ў Ізраілі Яўген Вараб'ёў, прычынай таму была адсутнасьць гуманітарнага калідору для эвакуацыі ў бок Эгіпту. Менавіта праз гэта, паводле яго слоў, не ўдавалася вывезьці беларускіх грамадзян з сэктару Газу.
Амбасада, як тлумачыў Варабʼёва вядзе ўлік усіх грамадзян на выпадак зьяўленьня больш зручнага і хуткага варыянту вярнуцца ў Беларусь. Але Варабʼёў заявіў, што праблему складаюць заходнія санкцыі супраць «Белавія»: маўляў, санкцыі не даюць рэалізаваць просты рэйс з Ізраілю ў Беларусь. Хаця, паводле амбасадара, дазвол ад ізраільскага боку ёсьць, паведамляла БелТА.
ГЛЯДЗІЦЕ ТАКСАМА: «У амбасаду тэлефанавалі, але там увесь час занята». Як беларусы выбіраюцца з Ізраілю падчас вайны ГЛЯДЗІЦЕ ТАКСАМА: Амбасадар Беларусі ў Ізраілі расказаў, чаму беларускіх грамадзян дагэтуль не эвакуаваліВайна Ізраілю з ХАМАСам. Асноўнае
- 7 кастрычніка 2023 году Ізраіль зазнаў ракетнага ўдару з боку сэктару Газа, а баевікі руху ХАМАС прарваліся на тэрыторыю краіны, забіўшы ня меней за 260 удзельнікаў музычнага фэсту і захапіўшы сотні закладнікаў. Некаторых людзей расстрэльвалі проста на вуліцах.
- Уварваньне з сэктару Газа адбылося ў 50-ю гадавіну пачатку вайны Суднага дня 1973 году.
- Армія абароны Ізраілю (ЦАХАЛ) у адказ на атаку пачала ваенную апэрацыю «Жалезныя мячы». Ужо 8 кастрычніка Ізраіль афіцыйна абвясьціў стан вайны.
- ХАМАС папярэдзіў, што будзе забіваць аднаго з закладнікаў кожны раз, калі ізраільскія вайскоўцы будуць бамбіць цывільныя аб’екты ў Газе.
- Іран заявіў, што не бярэ ўдзелу ў вайне, але адкрыта заявіў пра падтрымку дзеяньняў ХАМАСу. Найвышэйшы ўладар Ірану аятала Алі Хамэнэі заявіў: «Мы цалуем рукі тым, хто плянаваў напад на сыянісцкі рэжым».
- Колькасьць параненых беларусаў на 10 кастрычніка 2023 году — 3 чалавекі. Стан адной з параненых жанчын цяжкі.
- 10 кастрычніка ў кібуцы Кфар Аза побач з сэктарам Газа выявілі целы дзясяткаў забітых, у тым ліку малых дзяцей.
- Міністар абароны Ізраілю Яаў Галант 11 кастрычніка заявіў, што войска пераходзіць да поўнамаштабнага наступу на сэктар Газа.
- Лібанская ўзброеная групоўка «Хезбала» 11 кастрычніка абстраляла супрацьтанкавымі ракетамі пазыцыі ізраільскіх вайскоўцаў і заявіла, што забіла і параніла іх.
- Па стане на 17 кастрычніка вядома, што ў Ізраілі з пачатку вайны загінулі трое грамадзян Беларусі.
- Ізраіль у лістападзе 2023 году пайшоў у атаку на сэктар Газа і заявіў аб пашырэньні наземнай апэрацыі.
- 22 лістапада стала вядома, што Ізраіль і ХАМАС у Катары падпісалі пагадненьне ад замірэньні на 4 дні. Пазьней замірэньне падоўжылі, але ўжо 30 лістапада яно спынілася пасьля ракет з Газы па Ізраілі, заявілі ў ЦАХАЛ.
- За час замірэньня з палону ХАМАС было вызвалена 105 закладнікаў, а з ізраільскіх турмаў 240 палестынскіх зьняволеных.
- 6 студзеня Ізраіль заявіў пра тое, што поўнач Газы зачышчаная ад баевікоў ХАМАС.
«Хэзбала» выпусьціла ракеты па Ізраілі на наступны дзень пасьля нападу ХАМАС, у кастрычніку 2023 году. З таго часу абстрэлы на мяжы адбываюцца амаль штодня. Дзясяткі тысяч жыхароў эвакуавалі з прымежных раёнаў з абодвух бакоў.
«Хэзбала» — ваенізаваная групоўка і палітычная партыя, якая кантралюе значную частку паўднёвага Лібану. Злучаныя Штаты лічаць яе тэрарыстычнай арганізацыяй. Эўрапейскі Зьвяз унёс у свой сьпіс такіх арганізацыяў толькі яе ўзброенае крыло, але не палітычную партыю (партыя «Хэзбалы» прадстаўлена ў парлямэнце Лібану). «Хэзбала» таксама ёсьць часткаю так званай іранскай «восі супраціву» — сеткі іранскіх давераных асобаў і падтрыманых Тэгеранам групаў баевікоў, якія выступаюць супраць Ізраілю і ЗША. - Увосень 2024 году рэзка вырасла супрацьстаяньне на ізраільска-лібанскай мяжы. «Хэзбала» атакавала Ізраіль, а ў Тэль-Авіве вырашылі правесьці сэрыю авіяналётаў, каб зьнішчыць атакавальны патэнцыял «Хэзбалы».
- 23 верасьня Ізраіль распачаў першую з 2006 году наземную апэрацыю на поўдні Лібану, калі пачалася Другая лібанская вайна (Ліпеньская вайна). Апэрацыю назвалі «Стрэлы поўначы».
- 27 верасьня Ізраіль нанёс магутныя ўдары па Лібане і забіў лідэра «Хэзбалы» Хасана Насралу.
- 3 кастрычніка Армія абароны Ізраілю паведаміла пра атаку на аб’екты «Хэзбалы» ў Бэйруце.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.