У італьянскай правінцыі Таскана шторм выклікаў паводку. Ужо вядома як мінімум пра пяць загінулых. Агульная колькасьць загінулых у краінах Эўропы ўжо большая за 10.
Хуткасьць ветру дасягае 207 кілямэтраў на гадзіну. Такі паказьнік зафіксаваны на паўночна-заходнім узьбярэжжы Францыі. Ураган закрануў таксама поўдзень Англіі, Бэльгію, Нідэрлянды, Нямеччыну, атлянтычнае ўзьбярэжжа Гішпаніі і Партугаліі. У Бэльгіі ад падзеньня дрэваў загінулі два чалавекі, у тым ліку пяцігадовае дзіця.
ГЛЯДЗІЦЕ ТАКСАМА: На Заходнюю Эўропу абрынуўся ўраган «Кіяран», ёсьць загінулыяУ многіх рэгіёнах з прычыны ўрагану няма электрычнасьці, грамадзкі транспарт ходзіць зь перабоямі. У Гішпаніі праз ураган пачаліся лясныя пажары. Улады ўжо эвакуавалі каля 800 жыхароў вёсак паблізу ад лясоў, якія гараць. Яшчэ 2500 чалавек атрымалі распараджэньне заставацца дома і рыхтавацца да эвакуацыі. У Францыі больш за мільён дамоў засталіся без электрычнасьці.
Ад ліўняў цярпяць таксама Славенія і Харватыя. Галоўная рака харвацкай сталіцы Заграба — Сава — выйшла зь берагоў.
ГЛЯДЗІЦЕ ТАКСАМА: Ахвярамі паводак у ЗША пасьля ўрагану «Іда» сталі 45 чалавек. Байдэн сустрэнецца з пацярпелымі ў ЛюізіянеНа думку навукоўцаў, настолькі моцныя ўраганы пакуль нязвыклыя для Эўропы, але ў будучыні могуць паўтарацца часьцей з прычыны кліматычных зьменаў. Глябальнае пацяпленьне прыводзіць да таго, што ўзрастае розьніца тэмпэратур на поўдні і поўначы Эўропы, таму на мяжы цёплых і халодных абласьцей фармуюцца анамальныя атмасфэрныя франты. Яны робяцца прычынай ураганаў і праліўных дажджоў.