Менчука будуць паўторна судзіць за ахвяраваньні на ByPol
Аляксандра Зіязэтдзінава, якога раней ужо пакаралі 3 гадамі калёніі за перавод крыптавалюты ў ByPol, будуць судзіць за ахвяраваньні другі раз. Пра гэта паведамляе праваабарончы цэнтар «Вясна».
Палітвязьню пагражае да 15 гадоў турмы.
29 лютага ў Менскім гарадзкім судзе пачнуць разглядаць новую справу Зіязэтдзінава. Яго абвінавачваюць паводле ч. 1 арт. 361-2 («Фінансаваньне экстрэмісцкай дзейнасьці») і ч. 2 арт. 290-1 («Фінансаваньне тэрарыстычнай дзейнасьці»). Судзьдзя Алена Шылько.
Восеньню 2022 году 35-гадовага менчука абвінавацілі паводле ч. 1 арт. 361-2 КК («Фінансаваньне дзейнасьці экстрэмісцкага фармаваньня») за пералічэньне ў траўні 2021 году 0,2 эфіру (каля 800 даляраў) на крыптакашалёк ByPol. Суд праходзіў у закрытым рэжыме, таму падрабязнасьці справы невядомыя. Вядомы толькі трохгадовы турэмны вырак.
ГЛЯДЗІЦЕ ТАКСАМА: «Фінансаваньне экстрэмісцкай дзейнасьці». Што адбываецца з тымі, каго затрымалі падчас масавых арыштаў 23 студзеняЛідзкага барда Чарняка арыштавалі на 15 сутак
59-гадовага барда зь Ліды Сяргея Чарняка затрымалі, суд арыштаваў яго па адміністрацыйным артыкуле на 15 сутак, піша тэлеграм-канал «Суды, затрыманьні ў Лідзе».
Па якім менавіта артыкуле судзілі барда, невядома. Мінулы раз Чарняка затрымлівалі ў канцы сьнежня 2023 года. Тады суд арыштаваў яго на 15 сутак па артыкуле аб распаўсюджваньні «экстрэмісцкіх» матэрыялаў.
ГЛЯДЗІЦЕ ТАКСАМА: Хроніка перасьледу 21 лютага: затрымалі супрацоўнікаў прадстаўніцтва LG у Беларусі; «суткі» за вымпэл з «Пагоняй» у аўтамабілі