«РЖД» сумесна зь Беларускай чыгункай арганізавалі курсаваньне прыгранічных прыгарадных цягнікоў у зносінах Смаленск — Асінаўка, Асінаўка — Ворша, Смаленск — Заольша, Заольша — Віцебск.
У зносінах Смаленск — Асінаўка — Смаленск і Смаленск — Заольша — Смаленск будуць штодня курсаваць цягнікі фармаваньня «РЖД», у зносінах Ворша — Асінаўка — Ворша і Віцебск — Заольша — Віцебск — фармаваньня БЧ.
У сваю чаргу, для арганізацыі перавозак пасажыраў Беларускай чыгункай забясьпечана курсаваньне цягнікоў у зносінах Ворша — Асінаўка — Ворша, піша прэс-служба Беларускай чыгункі. На яе сайце можна азнаёміцца з раскладам руху цягнікоў.
Афармленьне праезду ў цягніках будзе адбывацца ў час руху пасьля перасячэньня дзяржаўнай мяжы. Праверку будуць праводзіць кантралёры-касіры. Таксама пасажыры павінны мець пры сабе пасьведчаньні асобы.
ГЛЯДЗІЦЕ ТАКСАМА: Урад Беларусі звольніў намесьніка кіраўніка Беларускай чыгункі пасьля заявы Лукашэнкі пра карупцыю ГЛЯДЗІЦЕ ТАКСАМА: «Супольнасьць чыгуначнікаў Беларусі»: БЧ дапамагла ў абыход санкцыяў завезьці ў Расею 90 люксавых аўтамабіляў