Судзяць выпускніцу БНТУ
У судзе Ленінскага раёну Менска 16 кастрычніка пачынаецца працэс над палітзьняволенай Натальляй Салук, якой выстаўленае абвінавачаньне паводле 342 артыкулу — «Арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх». Пра гэта паведамляе праваабарончы цэнтар «Вясна».
Паводле міліцыі, Натальля Салук падчас пратэстаў 2020 году нібыта прымала ўдзел у перакрыцьці руху транспарту.
Натальлі Салук 24 гады, яна скончыла Бедарускі нацыянальны тэхнічны ўнівэрсытэт (БНТУ). Затрымалі дзяўчыну сёлета ў красавіку і з таго часу ўтрымліваюць у менскім СІЗА-1, які знаходзіцца каля пасёлку Калядзічы.
Натальлі Салук пагражае да 4 гадоў зьняволеньня. Праваабаронцы прызналі дзяўчыну палітзьняволенай.