«Я чакаю правакацый у найбліжэйшыя дні, у тым ліку падчас выбараў і ў наступныя дні», — сказаў Саакашвілі.
Парлямэнцкія выбары ў Грузіі пройдуць 26 кастрычніка. «Грузінская мара» ва ўладзе з 2012 году. Апазыцыйныя групы, у тым ліку «Адзіны нацыянальны рух», заснаваны Саакашвілі, заявілі, што магчымая перамога кіроўнай партыі можа падарваць дэмакратыю ў Грузіі.
«Грузінская мара» нядаўна прыняла законы, падобныя да расейскіх законаў аб так званых іншаагентах і забароне «прапаганды ЛГБТ». Зьмены ў заканадаўстве выклікалі рэзкую крытыку ў ЗША і ЭЗ.
У сваім інтэрвію Радыё Свабода Саакашвілі таксама заявіў, што Расея вядзе супраць Грузіі гібрыдную вайну.
«Калі яны сфальсыфікуюць выбары і захопяць уладу, то Грузія перастане існаваць як незалежная краіна», — сказаў Саакашвілі. Разам з тым ён выказаў спадзяваньне, што новае пакаленьне грамадзян было арыентавана не на Расею, а на Эўропу.
Каментуючы вайну Расеі супраць Украіны, Саакашвілі зазначыў, што паражэньне Масквы непазьбежнае і прадвызначанае, «пакуль Эўропа не паддасца паражэнству, а ЗША — ізаляцыянізму».
ГЛЯДЗІЦЕ ТАКСАМА: Удар па «Грузінскай мары»: ЗША ўвялі санкцыі адносна грузінскіх палітыкаў і ўрадоўцаў