У залю запрасілі сьведку абароны, непаўналетняга Мікіту Мацілайнэна.
У залю заходзіць наступны сьведка: таксама супрацоўнік АМАП Андрэй Антановіч.
Жук: "У дачыненьні да Харуты не прымяняліся супрацьпраўныя дзеяньні. Яго ніхто ня біў. Але я бачыў, як ён ударыў Шарко" #судАМАП
— Радыё Свабода (@svaboda) 31.10.2016
Запрасілі наступнага сьведку, камандзіра аддзяленьня АМАП, Алега Жука.
Любачанінаў: «Я знаходзіўся ў аўтазаку, за стырном, я ня бачыў, што адбывалася ўнутры». Дадае, што ня памятае, ці рабіў рэзкі паварот.
У залю запрасілі наступнага сьведку, АМАПаўца Ігара Любачанінава (кіроўца аўтазаку).
Словы пра пагрозу сэксуальнага гвалту, пра якую раней падлетак распавядаў журналістам і праваабаронцам, дагэтуль не прагучалі ў залі суду.
Рутчанкаў: «Мы знайшлі пустыя кубачкі з-пад гарэлкі ў партфэлі хлопцаў»
Аляксандар: «Кубачкі мы выкінулі ў траву адразу ж, як выпілі. У партфэлі іх не было».
Пачаўся допыт сьведкаў
Шарко скончыў даваць паказаньні. Аляксандар адрэагаваў на ягоныя паказаньні: «Шарко мяне агаворвае». У залю запрасілі сьведкаў-супрацоўнікаў АМАП. Першым гаворыць Рутчанкаў.
Рутчанкаў ня можа прыгадаць прозьвішча калегі, зь якім патруляваў вуліцу тым вечарам. Судзьдзя Есьман падказвае Рутчанкаву прозьвішча.
Шарко сказаў, што Аляксандар ударыў яго з крыкам «Валі мусароў!», што выклікала сьмех у залі.
Шарко сьцвярджае, што ў падлеткаў падчас затрыманьня "былі чырвоныя вочы". Адвакат: "Як Вы гэта ўбачылі на адлегласьці 5 мэтраў?" #судАМАП
— Радыё Свабода (@svaboda) 31.10.2016
Судзьдзя Есьман выдаліӯ з паседжаньня студэнтаў юрфаку, якія прысутнічалі ў залі: яны пасьмяяліся з паказаньняў пацяпелага АМАПАўца.
Пацярпелы Шарко: "Харута нанёс мне адзін удар у губу з крыкам "Валі мусароў" #судАМАП
— Радыё Свабода (@svaboda) 31.10.2016
Судзьдзя Есьман запытаў у Аляксандра: «Якія ў Вас ёсьць захапленьні, акрамя як гарэлку спрабаваць?».
Пацярпелы Шарко пачаў даваць паказаньні. Кажа, што ён ужо звольніўся з АМАПу і цяпер беспрацоўны. #судАМАП
— Радыё Свабода (@svaboda) 31.10.2016
Судзьдзя Есьман запытвае ў Аляксандра: «Навошта Вы ўзьняліся ў аўтазаку, Вы што, не маглі сказаць седзячы, што вам кепска? Сядзіце і гаварыце».
Пасьля судзьдзя спыняе Аляксандра на паўслове падчас паказаньняў.
Судзьзя Есьман - Аляксандру: "Вось бачыце, паспрабавалі гарэлку і адразу ў непрыемную гісторыю патрапілі" #судАМАП
— Радыё Свабода (@svaboda) 31.10.2016
Пацярпелы АМАПавец.
Адвакат Мацкевіч запытвае, ці ўжывалі міліцыянты нецэнзурную лаянку пры затрыманьні. Аляксандар: «Так».
У пацярпелага Шарко пытаньняў да абвінавачанага няма.