25 красавіка ў Беларусі павінны адбыцца выбары ў мясцовыя саветы. З гэтай нагоды развагі нашага слухача:
Спадар: «Ідзе вялікая палеміка па перадвыбарчай кампаніі. Мне падаецца, што пара адыходзіць ад таго часу, калі лічылася, што кожная кухарка можа кіраваць дзяржавай. На сёньняшні дзень наша дзяржава і кіраўніцтва павінны быць мабільнымі, як ртуць, а ня быць дубовымі, як баярская дума. Дзяржаўная палата павінна быць прадстаўлена квотамі ўсіх відаў уласнасьці і ўсіх узростаў, бо калі моладзь ня будзе вучыцца кіраваць дзяржавай, то хто будзе далей жыць — адны пэнсіянэры?»
Ад 23-га лютага пачалі дзейнічаць папраўкі да Адміністрацыйнага кодэксу. Паводле новых правілаў, сярод іншага, забаронена піць піва ў грамадзкіх месцах. Штраф за такое парушэньне можа скласьці да 500 тысяч рублёў. Тэме новых палажэньняў Адміністрацыйнага кодэксу «Свабода» прысьвяціла шэраг сваіх праграмаў. Прапануем вашай увазе водгук на адну зь іх:
Спадарыня Натальля, Менск: «Лямант Скуратовіча ў сувязі з забаронай расьпіцьця алькаголю ў грамадзкіх месцах выклікае адкрытае непаразуменьне. Канечне, 30 адсоткаў нашых грамадзянаў — гэта сур’ёзная электаральная база, але хачу нагадаць, што тэмпы алькагалізацыі нашай моладзі і жанчын у 4-5 разоў вышэйшыя, чым сярод насельніцтва ў цэлым. Пачынаюць яны менавіта зь піва „з гарла“, а заканчваюць на могілках, так і не навучыўшыся культурна піць. Калі гаворка пра выжываньне нацыі, наўрад ці варта ламаць дзіды за права піць дзе заўгодна».
Канстанцін Скуратовіч
Адказвае аглядальнік тыднёвіка «Беларусы і рынак» Канстанцін Скуратовіч:
«Я параіў бы пазьбягаць катэгарычнасьці. Калі людзі ня будуць піць піва, яны будуць піць „чарніла“. Я не заклікаю да расьпіцьця. Калі маладыя людзі п’юць, гэта значыць бацькі згубілі над імі ўсялякую ўладу. Адбіліся, што называецца, ад рук».
Слухачы камэнтуюць тэлефанаваньні адно аднаго:
Спадар: «Правільна ў „Званочках“ спадарыня Ціна сказала пра Нарачанскага Селяніна. Здаецца мне таксама, што ніякі ён не селянін, хутчэй за ўсё, ідэалягічны селянін, селянін ад ідэалёгіі. Нешта такое. Былі ў нас ужо, а можа, і цяпер ёсьць усякія там групоргі, камсоргі, парторгі і яшчэ невядома якія „-оргі“. Па ўсім відаць, што гэты таварыш зь нейкіх „-оргаў“. Цяпер ён атрымлівае немалую пэнсію і ад няма чаго рабіць задае дуркаватыя пытаньні, хто і за што працаваў і працуе. Дык вось, хай ён лепш адкажа, чаму такая вялікая розьніца паміж заробкамі і пэнсіямі ў тых, хто працаваў у сельскай гаспадарцы за ідэю — так бы мовіць за ідэю, на ідэалягічным фронце, — і тымі, хто таксама працаваў у сельскай гаспадарцы, але не за ідэю, а за так званыя працадні і за капейкі. Вось хай адкажа, што тут да чаго? Можа, мы нешта ня так разумеем. Хай адкажа».
А пакуль слухач, які прадстаўляецца Нарачанскім Селянінам, выказваецца зь іншай нагоды. Ад 1 сакавіка «Свабоду» ў інтэрнэце можна слухаць ад 6-й раніцы да паўночы.
Нарачанскі Селянін: «Пачуў і днём на сайце тое, што чуў па радыё вечарам. Трэплюцца Някляеў са Скоблам. Ну, навошта лішняя праца? Хто там у працоўны час слухае вашыя сайты?»
Мы таксама атрымалі такое тэлефанаваньне:
Спадар: «Вельмі прыемна чуць, што вы адгукаецеся на гэтыя вось званкі. Простыя званкі простых людзей, адказваеце на простыя пытаньні. Званок ёсьць званок — чалавека простага, які не рэдактар, не інтэлігент, гэта просты слухач, ваш слухач. Калі ласка, адказвайце і ўсе нашы званкі камэнтуйце».
Тэлефон «Свабоды» ў Менску — 266-39-52, працуе 24 гадзіны на суткі. Тэлефануйце і пішыце! Дзяліцеся навінамі, выказвайце сваё стаўленьне да падзеяў у Беларусі і ў сьвеце. Мы таксама чакаем водгукаў на працу Радыё Свабода.
Спадар: «Ідзе вялікая палеміка па перадвыбарчай кампаніі. Мне падаецца, што пара адыходзіць ад таго часу, калі лічылася, што кожная кухарка можа кіраваць дзяржавай. На сёньняшні дзень наша дзяржава і кіраўніцтва павінны быць мабільнымі, як ртуць, а ня быць дубовымі, як баярская дума. Дзяржаўная палата павінна быць прадстаўлена квотамі ўсіх відаў уласнасьці і ўсіх узростаў, бо калі моладзь ня будзе вучыцца кіраваць дзяржавай, то хто будзе далей жыць — адны пэнсіянэры?»
Ад 23-га лютага пачалі дзейнічаць папраўкі да Адміністрацыйнага кодэксу. Паводле новых правілаў, сярод іншага, забаронена піць піва ў грамадзкіх месцах. Штраф за такое парушэньне можа скласьці да 500 тысяч рублёў. Тэме новых палажэньняў Адміністрацыйнага кодэксу «Свабода» прысьвяціла шэраг сваіх праграмаў. Прапануем вашай увазе водгук на адну зь іх:
Спадарыня Натальля, Менск: «Лямант Скуратовіча ў сувязі з забаронай расьпіцьця алькаголю ў грамадзкіх месцах выклікае адкрытае непаразуменьне. Канечне, 30 адсоткаў нашых грамадзянаў — гэта сур’ёзная электаральная база, але хачу нагадаць, што тэмпы алькагалізацыі нашай моладзі і жанчын у 4-5 разоў вышэйшыя, чым сярод насельніцтва ў цэлым. Пачынаюць яны менавіта зь піва „з гарла“, а заканчваюць на могілках, так і не навучыўшыся культурна піць. Калі гаворка пра выжываньне нацыі, наўрад ці варта ламаць дзіды за права піць дзе заўгодна».
«Я параіў бы пазьбягаць катэгарычнасьці. Калі людзі ня будуць піць піва, яны будуць піць „чарніла“. Я не заклікаю да расьпіцьця. Калі маладыя людзі п’юць, гэта значыць бацькі згубілі над імі ўсялякую ўладу. Адбіліся, што называецца, ад рук».
Слухачы камэнтуюць тэлефанаваньні адно аднаго:
Спадар: «Правільна ў „Званочках“ спадарыня Ціна сказала пра Нарачанскага Селяніна. Здаецца мне таксама, што ніякі ён не селянін, хутчэй за ўсё, ідэалягічны селянін, селянін ад ідэалёгіі. Нешта такое. Былі ў нас ужо, а можа, і цяпер ёсьць усякія там групоргі, камсоргі, парторгі і яшчэ невядома якія „-оргі“. Па ўсім відаць, што гэты таварыш зь нейкіх „-оргаў“. Цяпер ён атрымлівае немалую пэнсію і ад няма чаго рабіць задае дуркаватыя пытаньні, хто і за што працаваў і працуе. Дык вось, хай ён лепш адкажа, чаму такая вялікая розьніца паміж заробкамі і пэнсіямі ў тых, хто працаваў у сельскай гаспадарцы за ідэю — так бы мовіць за ідэю, на ідэалягічным фронце, — і тымі, хто таксама працаваў у сельскай гаспадарцы, але не за ідэю, а за так званыя працадні і за капейкі. Вось хай адкажа, што тут да чаго? Можа, мы нешта ня так разумеем. Хай адкажа».
А пакуль слухач, які прадстаўляецца Нарачанскім Селянінам, выказваецца зь іншай нагоды. Ад 1 сакавіка «Свабоду» ў інтэрнэце можна слухаць ад 6-й раніцы да паўночы.
Нарачанскі Селянін: «Пачуў і днём на сайце тое, што чуў па радыё вечарам. Трэплюцца Някляеў са Скоблам. Ну, навошта лішняя праца? Хто там у працоўны час слухае вашыя сайты?»
Мы таксама атрымалі такое тэлефанаваньне:
Спадар: «Вельмі прыемна чуць, што вы адгукаецеся на гэтыя вось званкі. Простыя званкі простых людзей, адказваеце на простыя пытаньні. Званок ёсьць званок — чалавека простага, які не рэдактар, не інтэлігент, гэта просты слухач, ваш слухач. Калі ласка, адказвайце і ўсе нашы званкі камэнтуйце».
Тэлефон «Свабоды» ў Менску — 266-39-52, працуе 24 гадзіны на суткі. Тэлефануйце і пішыце! Дзяліцеся навінамі, выказвайце сваё стаўленьне да падзеяў у Беларусі і ў сьвеце. Мы таксама чакаем водгукаў на працу Радыё Свабода.
