Затрыманы салігорскі актывіст
«Уладзімер Шыла затрыманы на ўезьдзе ў Менск. Правяраюць усе машыны, ёсьць сьпісы тых, каго нельга пускаць», — паведамляе пра свайго бацьку колішні грамадзкі актывіст Іван Шыла.
Затрыманьні анархістаў
«Міліцыя зладзіла аблаву на анархістаў і затрымала каля дзесяці чалавек. Колькасьць затрыманых удакладняецца. Пакуль дакладна вядома пра пяцёх затрыманых», — паведамляе «Рэвалюцыйная дзея».
Затрыманы Канстанцін Ахроменка.
Затрыманы Раман Пратасевіч. Разам зь ім польскі журналіст (імя удакладняецца).
Пачалі затрымліваць людзей на Акадэміі навук
Затрыманы Дзяніс Садоўскі
Адзін з заяўнікаў акцыі 25 сакавіка, прадстаўнік руху «За свабоду» ў аргкамітэце сьвяткаваньня Дня Волі Дзяніс Садоўскі затрыманы па дарозе ў цэнтар Менску.
Каля менскай Акадэміі навук некаторых (але ня ўсіх) людзей, якіх прапусьцілі празь міліцэйскія кардоны, затрымліваюць. Прычыны не тлумачаць, але падкрэсьліваюць што «акцыя несанкцыянаваная». Відавочцы кажуць, «забралі цэлы аўтазак».
АМАП хапае людзей, заводзіць у аўтазак. 67-гадовую жанчыну павалілі на зямлю, калі яна спрабавала дастаць плякат, але людзі не далі яе затрымаць. Іншых літаральна нясуць у машыны міліцыі.
Затрыманы журналіст фрылансэр Ігар Ільяш.
Гомель. Затрыманыя актывісты і журналісты.
Імёны грамадзкіх актывістаў — Натальля Шчукіна і Аляксандар Працко. Журналісты Tut.by Іван Ярывановіч і Алена Бычкова.
Затрыманы рэдактар "Камсамольскай праўды у Беларусі" Андрэй Ляўкоўскі.
Затрыманыя карэспандэнты ВВС Сяргей Казлоўскі і Трацякоў (імя ўдакладняецца).
Падобна, у Менску каля плошчы Перамогі затрымалі таксама Любоў Лунёву зь «Белсату».
Асуджаная грамадзянка Польшчы
Дарота Новак атрымала 15 сутак адміністратыўнага арышту ў Савецкім судзе Менску. Яе затрымалі 24 сакавіка ў офісе партыі Зялёныя на Фабрыцыюса, 4.
Зтрыманы вядомы інфармацыйны валянтэр
Гарадзенца Дзяніса Івашына, які паехаў у сталіцу асьвятляць падзеі Дня Волі ў якасьці журналіста #InformNapalm, затрымалі ў Менску.