Сёньня, 4 траўня, Абалонскі раённы суд Кіева пачаў разгляд справы аб дзяржаўнай здрадзе былога прэзыдэнта Ўкраіны Віктара Януковіча. А 10-й гадзіне пачалося падрыхтоўчае паседжаньне.
Радыё Свабода вядзе жывую трансьляцыю з залі суду.
У сераду стала вядома, што Інтэрпол зьняў зь міжнароднага вышуку Віктара Януковіча і ягонага сына Аляксандра. Намесьнік генпракурора Ўкраіны Яўген Енін заявіў, што рашэньне Інтэрполу ня мае значэньня для пачатку суду над ім.
Віктар Януковіч і шэраг іншых высокіх службоўцаў зьбеглі з Украіны ў лютым 2014 пасьля масавых расстрэлаў пратэстоўцаў у цэнтры Кіева. Ад таго часу большасьць з іх хаваецца ў Расеі.
