У Віетнаме прайшла сустрэча прэзыдэнта ЗША Дональда Трампа і лідэра Паўночнай Карэі Кім Чэн Ына. Амэрыканскі лідэр назваў першы раўнд перамоваў «вельмі добрым» і заявіў, што зь нецярпеньнем чакае працягу размовы заўтра.
Тэма перамоваў паміж лідэрамі ЗША і КНДР, як і на першым саміце ў Сынгапуры ў чэрвені мінулага году, — ядзернае раззбраеньне Пхэньяну. Раней бакі падпісалі дакумэнт, згодна з якім Паўночная Карэя абавязана праводзіць раззбраеньне ў адказ на гарантыі бясьпекі з боку ЗША. Аднак пазьней СМІ паведамлялі, што КНДР працягвае ядзерныя распрацоўкі.
