Рэпартэр Белтэлерадыёкампаніі Аляксандар Лучанок і журналіст інфармацыйнага агенцтва БЕЛТА Павал Горбач паведамілі сёньня ў сваіх сацыяльных сетак, што яны звальняюцца з працы.
Аляксандар Лучанок напісаў у сваім Інстаграме, што ўся інфармацыя, якая трансьлюецца па ТБ, выразна выверана, не адзін раз прачытаная рэдактарамі і ідэолягамі.
«Утрымліваць Ціханоўскую ў ЦВК 6 гадзiн i спадзявацца, што менавіта таму беларусы ня пойдуць на пратэст? Гэта яшчэ больш разгарачыць народ, ужо даказана! Сымбаль пратэсту сёньня не Ціханоўская, а самі людзі!»
Горбач напісаў, што заяву на звальненьне напісаў сёньня ранкам.
«Вырашыў ўчора. І вельмі шкадую, што ўчора быў выходны, і таварышы накшталт Перліна мяне апярэдзілі. Лічыце, ўліўся ў хвалю звальненьняў».
