Пры гэтым спасылаюцца на пастанову Міністэрства антыманапольнага рэгуляваньня і гандлю. Гандлёвыя арганізацыі пачалі атрымліваць лісты дзеля выкананьня заканадаўства аб гандлі дзяржаўнай сымболікай.
Пры адсутнасьці ў продажы дзяржаўных сьцягоў ды іншых атрыбутаў пагражаюць прыпыненьнем дзейнасьці, спасылаецца на афіцыйны дакумэнт сайт «Ежедневник».
У рэдакцыі ёсьць копія звароту, які атрымалі ня толькі гандлёвыя сеткі, але і многія дзяржаўныя вытворцы, далёкія да гандлю.
У дакумэнце нагадваецца, што ў мэтах «насычэньня спажывецкага рынку праведзена работа на пашырэньне асартымэнтнага пераліку тавараў». У прыватнасці, зьявілася 13 пазыцый, якія павінны быць абавязковыя ў гандлёвым аб’екце. У іх ліку грэцкія крупы, крухмал, індывідуальныя сродкі засьцярогі і тавары зь дзяржаўнай сымболікай, сьцягі і г.д. У апошнім выпадку канкрэтызуецца, што гэта патрабаваньне «з улікам Году народнага адзінства».
Парушэньне заканадаўства аб гандлі трапляе у лік падставаў для прыпыненьня працы гандлёвага аб’екту.
Экспэрты адзначаюць, што парушэньне абавязковага асартымэнтнага пераліку зьяўляецца адным з самых частых. Штраф за гэта — да 10 базавых велічынь (290 рублёў). За паўторнае парушэньне цягам году — да 30 базавых. Яшчэ не было прэцэдэнтаў, каб кантралёры прыпынілі праз гэтаА дзейнасьць крамы.
Пры гэтым за нацыянальную бел-чырвона-белую сымболіку беларусаў штрафуюць і караюць арыштам.
