Прадстаўнік амбасады РФ сустрэўся з Соф'яй, паведамілі «РИА Новости» ў дыпмісіі. Паводле яго, дзяўчына адчувае сябе нармальна, скаргаў на некарэктнае абыходжаньне не выказвала.
Учора расейскі консул сустрэўся з бацькамі Сапегі.
Софʼю Сапегу, грамадзянку Расеі, затрымалі разам з Пратасевічам пры экстранай пасадцы ў Менску самалёту Reinair. Пазьней паведамілі, што яе затрымалі празь падазрэньне ў зьдзяйсьненьні цягам жніўня і верасьня 2020 году злачынстваў, за якія прадугледжаная адказнасьць згодна з Крымінальным кодэксам Беларусі. Якое абвінавачаньне выстаўвілі ёй, пакуль невядома.
Яна таксама характарызавала Аляксандра Філановіча, які абараняе інтарэсы Сапегі, як «адваката з багатым досьведам абароны правоў расейскіх грамадзянаў».
