Пра гэта Тацяна Севярынец напісала на сваёй старонцы ў Facebook.
«Мае расповеды перарваў ператрус: тры хлопцы і два панятыя. Забралі Пашавы кнігі „Люблю Беларусь“, мой знакаміты парасон, бел-чырвона-белыя сьцяжкі, што стаялі ў пакоях, нават адзін вязаны. Я ім прапанавала шкарпэткі з бчб-палоскай. Але праігнаравалі».
Паводле Тацяны Севярынец, у першы дзень ліпеня яна не адна ў Віцебску прымала «нечаканых гасьцей».
У сярэдзіне студзеня Тацяну Севярынец разам зь іншымі пэнсіянэркамі затрымалі за прагулкі ў лесе. Нягледзячы на настойлівасьць пракуратуры, суд не знайшоў падставаў, каб пакараць жанчын.
